Պետդումայում պաշտպանել են ԵԱՏՄ-ի երկրների համար «Եվրասիա-24» նորությունների ալիքի ստեղծումը
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Պետդումայի ԱՊՀ-ի գործերի, եվրասիական ինտեգրացման եւ հայրենակիցների հետ կապերի կոմիտեի ղեկավար Լեոնիդ Սլուցկին պաշտպանում Է «Եվրասիա-24» նորությունների ալիք ստեղծելու գաղափարը, որը տեղեկատվություն կհաղորդեր Եվրասիական տնտեսական միության անդամ երկրների իրադարձությունների մասին, տեղեկացնում Է «Արմենպրես»-ը՝ հղում անելով ՌԻԱ Նովոստիին:
«Մենք դեռ երբեմն օնլայն ռեժիմով չգիտենք ինչ Է կատարվում միմյանց մոտ: Մենք այդ մասին իմանում ենք Համացանցից: Մեզ միասնական լրատվական ծածկույթ Է հարկավոր Եվրասիական տնտեսական միության ամբողջ տարածքի վրա»,-ասել Է Սլուցկին ԵԱՏՄ-ի երիտասարդ առաջնորդների առաջին համաժողովում, որը ընթանում Է Պետդումայում: Նա հիշեցրել Է, որ Ղազախստանի նախագահ Նուրսուլթան Նազարբաեւն առաջարկել Է ստեղծել «Եվրասիա-24» լրատվական ալիք:
«Դա շատ լավ գաղափար Է, բարձրակարգ գաղափար… Նորությունների նման ալիքի նախնական մշակումներ կան: Կարծում եմ, որ առաջիկա տարիներին երիտասարդությունը մեզ կտա մեր երկրների միասնական լրատվական տարածության վերականգնման այն գաղափարները, որոնք մենք կկարողանան միասին կյանքի կոչել»,-հավելել Է Սլուցկին:
Լուսանկարը` РИА Новости
Բաժանորդագրվեք մեր ալիքին Telegram-ում