ՌԴ-ն 6 մլն դոլար կհատկացնի Հայաստանի, Ղրղզստանի եւ Տաջիկստանի պարենային անվտանգությանը
13:51, 1 Հուլիս 2015
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Ռուսաստանը 6 մլն դոլար կմուծի ՄԱԿ-ի Պարենի եւ գյուղատնտեսական կազմակերպության հիմնադրամ՝ 2015-2017 թվականներին Հայաստանին, Ղրղզստանին եւ Տաջիկստանին օգնություն ցուցաբերելու համար: Ինչպես տեղեկացնում Է «Արմենպրես»-ը, ՌԴ կառավարության համապատասխան որոշումը հրապարակված Է իրավական տեղեկատվության պաշտոնական պորտալում:
Ինչպես նշում Է ՏԱՍՍ-ը, կամավոր մուծումն արվելու Է պարենային անվտանգության եւ սննդի, ինչպես նաեւ գյուղատնտեսության կայուն զարգացման ապահովման գործում այդ երկրների կառավարություններին տեխնիկական օգնության ցուցաբերման ծախսերը ֆինանսավորելու համար: Երեք տարվա ընթացքում մուծվելու Է 2-ական մլն դոլար:
Բաժանորդագրվեք մեր ալիքին Telegram-ում