Վրաստանի արտաքին պարտքը կազմել Է ավելի քան 4 մլրդ դոլար
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Վրաստանի պետական արտաքին պարտքի եւ պետական երաշխիքներով վերցված վարկերի ծավալը, հանրապետության ֆինանսների նախարարության տվյալներով՝ 2015 թվականի ապրիլի 30-ին կազմել Է շուրջ 4,04 միլիարդ դոլար, տեղեկացնում Է «Արմենպրես»-ը՝ հղում անելով Sputnik-ին: Տարեսկզից Վրաստանի պետական պարտքը նվազել Է 160 միլիոն դոլարով: Ընդհանուր գումարից Վրաստանի կառավարության պարտքը կազմում Է 4,011 միլիարդ դոլար:
Վրաստանն ունի 17-երկկողմ վարկատու երկիր, որոնց հանդեպ ընդհանուր պարտքը կազմում Է 703,4 միլիոն դոլար: Պետական արժեթղթերը՝ եվրապարտատոմսերը 500 միլիոն դոլար են:
Բացի պետություններից, Վրաստանի վարկատուներ են միջազգային ինստիտուտներ, որոնց միագումար պարտքը կազմում Է 2,8 միլիարդ դոլար:
Բերված տվյալները չեն ներառում պարտքի սպասարկման միջոցները: Արտաքին պարտքի գումարները նշված են 2015 թվականի ապրիլի 30-ի դրությամբ արժույթների փոխարժեքների հաշվառմամբ:
Բաժանորդագրվեք մեր ալիքին Telegram-ում