Շոտլանդիան երկրորդ հանրաքվեն կանցկացնի, եթե Բրիտանիան դուրս գա ԵՄ-ից
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Շոտլանդիայի առաջին վարչապետ, Շոտլանդական ազգային կուսակցության առաջնորդ Նիկոլա Ստերջենը հայտարարել Է, որ եթե Մեծ Բրիտանիան դուրս գա Եվրամիությունից, Շոտլանդիան երկրորդ հանրաքվեն կանցկացնի Մեծ Բրիտանիայի կազմից դուրս գալու շուրջ, տեղեկացնում Է «Արմենպրես»-ը:
Ավելի վաղ Մեծ Բրիտանիայի վարչապետ, պահպանողականների առաջնորդ Դեւիդ Քեմերոնը հայտարարել Է, որ եթե իր կուսակցությունը հաղթի մայիսի 7-ին կայանալիք ընտրություններում, ապա 2017 թվականին ինքը հանրաքվե կանցկացնի ԵՄ-ից երկրի հնարավոր դուրս գալու շուրջ:
«Եթե դա տեղի ունենա, դա կստիպի Շոտլանդիային՝ ԵՄ-ից դուրս գալ հակառակ մեր կամքի»,-ասել Է Ստերջենը Daily Mail-ին տված հարցազրույցում:
Առաջին նախարարը հավելել Է, որ այդ դեպքում «դա կլինի հանգամանքների Էական փոփոխություն», ինչը կհրահրի երկրորդ հանրաքվեի անցկացումը Մեծ Բրիտանիայի կազմից Շոտլանդիայի դուրս գալու շուրջ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում