Անհայտ անձինք գողացել են Շումախերի անձնական բժշկի համակարգիչը՝ հիվանդի մասին տվյալներով
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Գերմանացի ավտոարշավորդ Միխայել Շումախերի անձնական բժիշկը՝ Յոհաննես Պրայլը, կողոպտիչների զոհն Է դարձել: Ինչպես հաղորդում Է «Արմենպրես»-ը՝ հղում անելով գերմանական «Բիլդ» թերթին, անհայտ անձինք կլինիկայում ներթափանցել են նրա առանձնասենյակ եւ գողացել արժեքավոր իրեր:
Հափշտակված իրերի թվում եղել Է այն համակարգիչը, որը տվյալներ Է բովանդակել Շումախերի եւ այլ հայտնի հիվանդների, ներառյալ եւս մեկ գերմանացի ավտոարշավորդ Նիկո Ռոսբերգի վերաբերյալ: Ըստ ՏԱՍՍ-ի՝ բժիշկն առայժմ չի հաստատել, թե մարզիկներին վերաբերող հատկապես ինչ տվյալներ են ընկել չարագործների ձեռքը:
Ոստիկանությունը հետաքննությունն Է անցկացնում:
2013 թվականի դեկտեմբերի վերջին Շումախերը լրջորեն տուժել Է Ֆրանսիայի Մերիբելում լեռնադահուկներով սահելիս ընկնելու հետեւանքով: Արշավորդն ստացել Է գանգուղեղային վնասվածք՝ ուղեղի երկու կիսագնդերի բազմաթիվ վնասվածքներով եւ արյունազեղմամբ: 2014 թվականի սեպտեմբերից Շումախերը վերականգում Է անցնում Շվեյցարիայի՝ իր առանձնատանը, որը գտնվում Է Ժնեւի լճի ափին:
Բաժանորդագրվեք մեր ալիքին Telegram-ում