Արմեն Աշոտյանը ԵԺԿ համաժողովի մասնակիցներին անմոռուկներ կբաժանի
ԲՐՅՈՒՍԵԼ, 2 ՄԱՐՏԻ, ԱՐՄԵՆՊՐԵՍ: Բրյուսելում մարտի 3-ին ԵԺԿ-ի քաղաքական համաժողովում կքննարկվի Հայոց Ցեղասպանության դատապարտման մասին հայկական կողմի ներկայացրած բանաձեւը։ «Արմենպրես»-ի փոխանցմամբ, այս մասին Facebook-ի իր էջում գրառում է կատարել Կրթության եւ գիտության նախարար Արմեն Աշոտյանի մամուլի խոսնակը: Վերջինս տեղեկացրել է, որ Արմեն Աշոտյանը համաժողովի մասնակիցներին կբաժանի Հայոց ցեղասպանության 100-րդ տարելիցի խորհրդանիշ անմոռուկներ:
ՀՀ կրթության և գիտության նախարար Արմեն Աշոտյանը մարտի 2-4-ը, օգտվելով իր հաշվին արձակուրդի իրավունքից, մեկնել է Բրյուսել: Աշոտյանը կմասնակցի Եվրոպական ժողովրդական կուսակցության քաղաքական համաժողովին, որտեղ նախատեսվում է քննարկել Հայոց ցեղասպանության 100-րդ տարելիցին նվիրված բանաձևի նախագիծը՝ մշակված ԵԺԿ անդամ երեք հայաստանյան կուսակցությունների՝ ՀՀԿ-ի ՕԵԿ-ի և «Ժառանգության» կողմից:
Բաժանորդագրվեք մեր ալիքին Telegram-ում