Գևորգ Ղազարյանը լքում է «Օլիմպիակոս»-ը
12:02, 31 Հունվար 2015
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի անդամ Գևորգ Ղազարյանը լքում է հունական «Օլիմպիակոս»-ը: «Արմենպրես»-ի հաղորդմամբ, ակումբի պաշտոնական կայքը տեղեկացնում է, որ Գևորգ Ղազարյանի հետ պայմանագիրը խզվել է: Ղազարյանը հունական ակումբ տեղափոխվեց 2014 թվականին: Հայ կիսապաշտպանը «Օլիմպիակոս»-ի կազմում մասնակցել է 7 հանդիպման, բայց չի դարձել ոչ մի գոլի հեղինակ:
Գևորգ Ղազարյանը Հայաստանի ազգային թիմի կազմում մասնակցել է 40 հանդիպման դառնալով 9 գոլի հեղինակ:
Բաժանորդագրվեք մեր ալիքին Telegram-ում