ՌԴ նախագահը «Իտերա» հոլդինգի նախկին փոխնախագահ Գագիկ Մարտիրոսյանին պարգևատրել է «Պատվո մեդալ»-ով
15:57, 26 Դեկտեմբեր 2014
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինի 2014 թվականի դեկտեմբերի 12-ի հրամանագրով` ռուսական «Իտերա» միջազգային հոլդինգի նախկին փոխնախագահ Գագիկ Հմայակի Մարտիրոսյանը պարգևատրվել է ՌԴ պետական պարգևով՝ «Պատվո մեդալ»-ով («Орден почета»)։ «Արմենպրես»-ի հաղորդմամբ` պարգևը Գագիկ Մարտիրոսյանին է տրվել «Սոչի-2014» օլիմպիադայի շինարարական օբյեկտների աշխատանքների կազմակերպմանն ակտիվ մասնակցելու համար:
Գագիկ Մարտիրոսյանը Հայաստանում զբաղեցրել է շինարարության, էներգետիկայի նախարարների և պետնախարարի պաշտոնները, իսկ 2008-2014 թվականի նոյեմբերը զբաղեցնում էր «Իտերա» միջազգային հոլդինգի փոխնախագահի պաշտոնը:
Բաժանորդագրվեք մեր ալիքին Telegram-ում