Ուկրաինայի հայերը մարդասիրական օգնություն են ուղարկել Դոնեցկի եւ Լուգանսկի բնակիչներին
ԽԱՐԿՈՎ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Հայ առաքելական եկեղեցու Ուկրաինայի թեմի նախաձեռնությամբ երկրի հայ համայնքը մարդասիրական օգնություն է ուղարկել հարավում ռազմական գործողությունների մեջ գտնվող իրենց համերկրացիներին: Ինչպես հաղորդում է «Արմենպրես»-ը` վկայակոչելով «Անալիտիկան», 11 բեռնատար մեքենաների շարասյունը Խարկովից ճանապարհ է ընկել դեպի Դոնեցկ եւ Լուգանսկ: Մարդասիրական օգնությունը հավաքվել է երկու շաբաթվա ընթացքում, որին մասնակցել են Ուկրաինայի տարբեր քաղաքներում ապրող հայերը: Մարդասիրական օգնությունը ներառում է առաջին անհրաժեշտության իրեր, հագուստ եւ սնունդ:
Սա Ուկրաինայի հայ համայնքի նախաձեռնությամբ առաջին մարդասիրական օգնության տրամադրումը չէ: Երկրի հարավում ռազմական գործողությունների մեկնարկից սկսած ուկրաինահայերը բազմիցս իրենց աջակցությունն են ցուցաբերել պատերազմի մեջ գտնվող իրենց համերկրացիներին:
Բաժանորդագրվեք մեր ալիքին Telegram-ում