Հովիկ Աբրահամյանը շրջում է սուպերմարկետներում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Հովիկ Աբրահամյանն այցելել է սուպերմարկետներ` տեղում ապրանքների գներին ծանոթանալու համար: Նա նաև ծանոթացել է փոխանակման կետերում դրամի փոխարժեքին: Այս մասին «Արմենպրես»-ը տեղեկացավ վարչապետի մամուլի խոսնակ Գոհար Պողոսյանի ֆեյսբուքյան էջից:
ՀՀ կառավարության նիստում վարչապետը հայտարարել է, որ կառավարությունը չի հանդուժելու անհիմն թանկացումները: Նա ասել է, որ անհանգստացած են շաքարավազի, ալյուրի և լայն սպառման մի շարք ապրանքների գծով ակնհայտ բարձրացումներով, փոխանակման կետերում գնման և վաճառքի մեծ մարժաներով: Հովիկ Աբրահամյանն առաջարկել է Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանին՝ մանրամասն ուսումնասիրել շուկան և ամենօրյա կտրվածքով դրանց արդյունքները ներկայացնել իրեն:
Բաժանորդագրվեք մեր ալիքին Telegram-ում