Ո՞վքեր են ուղեկցում առաջին դեմքերին. ոստիկանության ռեպորտաժը «հատուկ նշանակության» մոտոցիկլավարների մասին
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ոստիկանության ճանապարհային ոստիկանության ծառայության ուղկեցող սպայակազմն աշխատանքի երկարատև փորձ ունի: Սպաներից ոմանք ծառայության ընթացքում ուղեկցել են ոչ միայն վերջին երկու տասնամյակում Հայաստան ժամանած այլ երկրների պետական բարձրաստիճան պաշտոնյաներին, այլև սովետական շրջանի պետական համակարգի ներկայացուցիչներին: «Արմենպրես»-ի հաղորդմամբ` ՀՀ ոստիկանությունը հատուկ տեսանյութ է պատրաստել, որը պատմում է ՀՀ ժամանած տարբեր երկրների առաջին այրերին պետական պաշտոնական արարողակարգերով ուղեկցող տորաբաժանումների մասին:
Հենց նրանց են վստահված նաև ներպետական և ազգային նշանակության իրադարձությունների ընթացքում իրականացվող ուղեկցումները, մասնավորապես, Հայաստանի Հանարպետության նախագահների երդմնակալության արարողությունների ժամանակ:
Ցանկացած ուղեկցումից առաջ մանրամասն քննարկվում են երթուղիները, հավանական խոչընդոտները, ուղեկցվող անձի մեքենայի տեսակը և նույնիսկ այն փողոցների լայնությունը, որոնցով շարասյունը պետք է անցնի: Առաջնային մոտոցիկլավարն ուղղորդում է մյուսներին, հատուկ ռադիոկապի միջոցով խմբի ղեկավարը նախանշում է մոտոցիկլների միջև անհնրաժեշտ տարածության դիրքավորումը:
Արդեն գործնական պարապունքների ընթացքում մշակվում են բոլոր մանրուքները, իրականացվում տարաբնույթ մասնագիտական վարժանքներ:
Կան ուղեկցության հատուկ ձևաչափեր: Պետական այցով Հայաստան ժամանած անձի հյուրընկալելու դեպքում նրա ուղեկցումը կազմակերպվում է 9 մոտոցիկլով: Պաշտոնական այցի դեպքում` 7 մոտոցիկլով, և հինգ մոտոցիկլով են ուղեկցվում այլ երկրների արտաքին գերատեսչությունների պատվիրակությունների ղեկավարներն ու նրանց հետ ժամանած պաշտոնյաները:
Մեկ տարի է` արդեն ՃՈ մոտոցիկլային պարեկային ծառայություն է իրականացվում մայրաքաղաքում:
Բաժանորդագրվեք մեր ալիքին Telegram-ում