Սյունիքի մարզպետարանն արդեն կատարել է իր ներդրումը
ԿԱՊԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Չնայած «Հայաստան» համահայկական հիմնադրամի ամենամյա դրամահավաք- հեռուստամարաթոնը կկայանա երկու օր հետո, Սյունիքի մարզպետարանն արդեն կատարել է իր ներդրումը` հիմնադրամին փոխանցելով 942 հազ. դրամ գումար:
Ինչպես «Արմենպրես»-ին տեղեկացրեց մարզպետարանի աշխատակազմի տեղեկատվության եւ հանրության հետ կապերի բաժնի պետ Լուսինե Մարությանը, Սյունիքի մարզպետ Սուրիկ Խաչատրյանը համահայկական հիմնադրամին փոխանցել է իր մեկ ամսվա աշխատավարձը: Այս տարի հանգանակված գումարներով կշարունակվի Վարդենիս-Մարտակերտ ավտոճանապարհի կառուցումը, ավարտին կհասցվի նաեւ մայրուղու Հայաստանի տարածքով ձգվող 14 կիլոմետրանոց հատվածի ասֆալտապատումը: Ավտոճանապարհը` 1996 թվականից շահագործվող Գորիս-Ստեփանակերտ ավտոմայրուղուն զուգահեռ, Հայաստանը կկապի Արցախի հետ:
Գոհար Իսախանյան
Բաժանորդագրվեք մեր ալիքին Telegram-ում