Գնացքը վրաերթի է ենթարկել ուղեմասն արգելված գոտով հատող երիտասարդի
16:17, 20 Հոկտեմբեր 2014
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Ոստիկանության Մասիսի բաժնում հոկտեմբերի 18-ին` ժամը 20.00-ին, հաղորդում է ստացվել, որ Մասիս քաղաքի երկաթգծում գնացքը վրաերթի է ենթարկել երիտասարդ տղայի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը պարզել է, որ նույն օրը` ժամը 19.50-ի սահմաններում, 1977թ. ծնված Վարուժան Հ.-ի վարած գնացքը վրաերթի է ենթարկել Մասիս-Երևան ուղեմասը արգելված գոտով հատող, 1982թ. ծնված Նորիկ Թ.-ին, որը տեղում մահացել: Նշանակվել է դատաբժշկական փորձաքննություն: Նախապատրաստվում են նյութեր:
Բաժանորդագրվեք մեր ալիքին Telegram-ում