ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ:  Իտալիայի մինչև 19 տարեկան ֆուտբոլիստների հավաքականը հրապարակել է Հայաստանի հետ Եվրոպայի առաջնության որակավորման փուլի հանդիպման ընդլայնված հայտացուցակը:

Իտալիայի ազգային հավաքականը Հայաստանի դեմ խաղին հայտագրել է հետևյալ ֆուտբոլիստներին. Դարպասապահներ` Մերետ, Մոնտիպո, Սկուֆետ, պաշտպաններ` Անաստասիո, Կալաբրեսի, Կալաբրիա, Կապրադոսի, Ջեմինյանի, Լո Պորտո, Լուպերտո, Սցյաչա, Տրոյանի, կիսապաշտպաններ`Բաստոնի, Մանդրագորա, Մաստալի, Մուրջիա, Պալացի, Պրիգինի, Պելեգրինի, Պուգլիսե, Վերդե, հարձակվողներ` Բոնացոլի, Չերի, Դի Մոլֆետա, Օնետո, Պանակիո:

«Արմենպրես»-ի հաղորդմամբ, Եվրոպայի 2015 թվականի առաջնության որակավորման 9-րդ խմբում Հայաստանի հավաքականի հետ նույն խմբում ընդգրկվել են նաև Սան Մարինոյի, Իտալիայի և Սերբիայի հավաքականները:

 Հայաստան-Իտալիա հանդիպումը կկայանա հոկտեմբերի 10-ին: