Արամ Գաբրիելյանովը կդառնա LifeNews հեռուստաալիքի գլխավոր տնօրեն
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: LifeNews հեռուստաալիքի գլխավոր տնօրեն կդառնա նրա սեփականատերը՝ Արամ Գաբրիելյանովը: Այդ մասին, ինչպես տեղեկացնում է «Արմենպրես»-ը, «Ինտերֆաքս»-ին հայտնել են News Media հոլդինգի մամուլի ծառայությունում:
Ավելի վաղ այդ պաշտոնն զբաղեցնում էր Արամ Գաբրիելյանովի որդին՝ Աշոտը:
Սեպտեմբերի 8-ին Աշոտ Գաբրիելյանովը հայտարարել Էր, թե թողնում Է LifeNews հեռուստաալիքի գլխավոր տնօրենի եւ News Media-ի գլխավոր տնօրենի պաշտոնները: Նրա խոսքով՝ հեռանալու պատճառ Է դարձել Babo խորագրով սեփական նախագիծը, որը ոչ մի առնչություն չունի իր հոր հոլդինգի հետ:
Աշոտ Գաբրիելյանովը ճշտել Է, որ պաշտոնապես News Media-ում աշխատանքը կդադարեցնի հոկտեմբերի 1-ին: Ընդսմին նա նշել Է, որ ինքը կոնֆլիկտային վիճակներ չի ունեցել ընկերության ղեկավարության հետ: Աշոտը հավելել Է, որ Արամ Գաբրիելյանովը հավանություն Է տվել իր որոշմանը, եւ «բոլոր հարցերը հարթված են»:
Բաժանորդագրվեք մեր ալիքին Telegram-ում