ԵԱՀԿ-ն մշտադիտարկում կիրականացնի
10:27, 16 Սեպտեմբեր 2014
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: ԵԱՀԿ գործող նախագահի անձնական ներկայացուցչի մանդատի համաձայն` սեպտեմբերի 17-ին ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծում մշտադիտարկում կիրականացնի: Ինչպես հաղորդում է «Արմենպրես»-ը, մշտադիտարկումը տեղի կունենա ադրբեջանական Գյուլիստան գյուղի ուղղությամբ:
Հայկական կողմից մշտադիտարկմանը կմասնակցեն ԵԱՀԿ գործող նախագահի անձնական ներկայացուցչի դաշտային օգնականներ Եվգենիյ Շարովը, Իրժի Աբերլեն, ինչպես նաև Բարձր մակարդակի կազմակերպման խմբի ներկայացուցիչ Մարկուս Ուիդմերը:
Հակառակ կողմից մոնիթորիգը կիրականացնեն ԵԱՀԿ գործող նախագահի անձնական ներկայացուցչի դաշտային օգնական Խրիստո Խրիստովը և Բարձր մակարդակի կազմակերպման խմբի ներկայացուցիչ Թունջայ Սևիմը:
Բաժանորդագրվեք մեր ալիքին Telegram-ում