ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի առևտրային բանկերը սեպտեմբերի 8-12-ն ընկած ժամանակահատվածում արտարժույթի ներբանկային շուկայում գնել են 89 մլն 545 հազար 211 դոլար 408.88 դրամ` մեկ դոլարի դիմաց միջին փոխարժեքով, եւ  վաճառել` 99 մլն 555 հազար 367 դոլար` 409.95 դրամ  մեկ դոլարի դիմաց միջին փոխարժեքով:

«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ-ում նշված ժամանակահատվածում իրականացվել է 5 մլն 350 հազար դոլարի առք եւ վաճառք` 409.00 դրամ մեկ դոլարի դիմաց միջին փոխարժեքով:

Ինչպես «Արմենպրես»-ին տեղեկացրին ՀՀ կենտրոնական բանկի տեղեկատվության և հասարակայնության հետ կապերի բաժնից, միջբանկային շուկայում իրականացվել է 10 մլն 150 հազար  դոլարի առք եւ վաճառք` 409.51 դրամ մեկ  դոլարի դիմաց միջին փոխարժեքով:

Արտարժույթի ներբանկային շուկայում բանկերի կողմից գնվել է 10 մլն 119 հազար 971 եվրո` 527.61 դրամ մեկ եվրոյի դիմաց միջին փոխարժեքով, եւ  վաճառվել` 13 մլն 854 հազար 145 եվրո` 531.04 դրամ մեկ եվրոյի դիմաց միջին փոխարժեքով:

Արտարժույթի ներբանկային շուկայում բանկերի կողմից գնվել է 1 մլրդ 477 հազար 299 ռուբլի` 10.92 դրամ մեկ ռուբլու դիմաց միջին փոխարժեքով, եւ  վաճառվել` 106 մլն 528 հազար 145 ռուբլի` 11.08 դրամ մեկ ռուբլու դիմաց միջին փոխարժեքով:

Սեպտեմբերի 1-7-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 33.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 34.6 մլն ԱՄՆ դոլար: