Նանկին. Անուշ Գրիգորյանը ապահովել է բրոնզե մեդալը
12:05, 23 Օգոստոս 2014
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Նանկինի պատանեկան Օլիմպիական խաղերում հայ բռնցքամարտուհին ապահովել է բրոնզե մեդալը:
Չինաստանի Նանկին քաղաքում ընթացող ամառային պատանեկան 2-րդ օլիմպիական խաղերում այսօր՝ օգոստոսի 23-ին, բռնցքամարտի ՀՀ հավաքական թիմի անդամ Անուշ Գրիգորյանը (անձնական մարզիչ՝ Խաչիկ Խաչատրյան, «Սևան» մարզական հասարակական կազմակերպության Մասիսի մանկապատանեկան մարզադպրոց) 51 կգ քաշային կարգում հաղթել է ղազախ բռնցքամարտուհուն՝ ապահովելով բրոնզե մեդալը, իսկ եզրափակիչ դուրս գալու համար մենամարտելու է չինացի բռնցքամարտուհու հետ:
«Արմենպրես»-ի հաղորդմամբ, այս մասին տեղեկացնում է ՀՀ սպորտի նախարարությունը: Նանկինում ընթացող օլիմպիական խաղերում բռնցքամարտի ՀՀ հավաքական թիմի մարզիչն է Արշավիր Գրիգորյանը:
Բաժանորդագրվեք մեր ալիքին Telegram-ում