Յուրի Վարդանյանն իր հավատարմագրերի պատճենն է հանձնել Մայա Փանջիկիձեին
ԹԲԻԼԻՍԻ, 19 ՕԳՈՍՏՈՍԻ, ԱՐՄԵՆՊՐԵՍ: Վրաստանում Հայաստանի նոր դեսպան Յուրի Վարդանյանն այդ երկրի արտաքին գործերի նախարար Մայա Փանջիկիձեին է փոխանցել իր հավատարմագրերի պատճենը:
Ինչպես հաղորդում է «Արմենպրես»-ը` վկայակոչելով Վրաստանի ԱԳՆ մամուլի ծառայությունը, արարողությունից հետո տեղի է ունեցել հանդիպում, որի ընթացքում Վարդանյանն ու Փանջիկիձեն քննարկել են երկկողմ համագործակցությանն առնչվող արդիական մի մի շարք հարցեր, ինչպես նաև Վրաստանի վարչապետ Իրակլի Ղարիբաշվիլիի` օգոստոսի 21-22-ը Հայաստան կատարելիք այցի նախապատրաստությանը ընթացքը:
Յուրի Վարդանյանը պատրաստակամություն է հայտնել նպաստել երկու երկրների բարիդրացիական հարաբերությունների ամրապնդմանն ու ընդլայնմանը:
Մայա Փանջիկիձեն Յուրի Վարդանյանին մաղթել է հետագա աշխատանքային հաջողություններ:
Բաժանորդագրվեք մեր ալիքին Telegram-ում