Պուտինն ստորագրել Է ձմեռային ժամանակին վերադառնալու մասին օրենքը
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: ՌԴ-ի նախագահ Վլադիմիր Պուտինն ստորագրել Է ձմեռային ժամանակին վերադառնալու մասին օրենքը, տեղեկացնում Է «Արմենպրես»-ը:
Օրենքն ուժի մեջ կմտնի 2014 թվականի հոկտեմբերի 26-ին ժամը 02:00-ին: Փաստաթղթի համաձայն՝ Ռուսաստանի տարածքում սահմանվում են 11 ժամային գոտիներ, ժամանակի սեզոնային փոփոխություն չի իրականացվում:
Ձմեռային ժամանակը բազմիցս սուր բանավեճերի առարկա Էր դարձել խորհրդարանի եւ կառավարության միջեւ: Այժմ գործող ամառային ժամանակը սահմանվել Է 2011 թվականի հուլիսին՝ այն ժամանակվա նախագահ Դմիտրի Մեդվեդեւի նախաձեռնությամբ: Ստորին պալատում տարբեր խմբակցություններից քանիցս օրինագծեր Էին ստացվում ձմեռային ժամանակին վերադառնալու վերաբերյալ: Արդյունքում՝ ձմեռային ժամանակին վերադառնալու մասին օրինագիծն ընդունվեց հուլիսի 1-ին՝ Պետդումայի գարնանային նստաշրջանի վերջին օրը, հաղորդել Է «Ինտերֆաքս» գործկալությունը:
Բաժանորդագրվեք մեր ալիքին Telegram-ում