Պուտինը կժամանի Բրազիլիա՝ աշխարհի առաջնության եզրափակիչ խաղին
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: ՌԴ-ի նախագահ Վլադիմիր Պուտինը կայցելի Բրազիլիա՝ ֆուտբոլի աշխարհի աաջնության եզրափակիչ խաղին, որից հետո կկայանա առաջնության անցկացման իրավունքները Ռուսաստանին հանձնելու արարողությունը: Այս մասին, ինչպես տեղեկացնում է «Արմենպրես»-ը, հունիսի 18-ին գրել է «Իզվեստիա» թերթը:
Առաջնության եզրափակչ մրցախաղը տեղի կունենա հուլիսի 12-ին Ռիո դե Ժանեյրոյի «Մարականա» մարզադաշտում: Լիազորությունների հանձնման արարողությանը, բացի Պուտինից, կմասնակցեն Բրազիլիայի նախագահ Դիլմա Ռուսեֆը, ինչպես նաեւ մարզական աշխարհի բարձրաստիճան աշխատողներ, ներառյալ 2018-ի աշխարհի առաջնության նախապատրաստման կազմկոմիտեի անդամները եւ Ռուսաստանի այն քաղաքների ներկայացուցիչները, որտեղ կանցկացվեն մրցախաղերը:
2018 թվականի ֆուտբոլի աշխարհի առաջնությունը տեղի կունենա Ռուսաստանի 11 քաղաքներում: Սպասվում Է, որ մրցաշար կայցելի շուրջ հինգուկես միլիոն մարդ, ներառյալ 700 հազար օտարերկրացիներ:
Բաժանորդագրվեք մեր ալիքին Telegram-ում