Մանկական բեսթսելեր 2/16. Հովհաննես Թումանյանի ստեղծագործությունները շարունակում են մնալ պահանջված
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագծի այս շաբաթվա առաջատարը կրկին «Բուկինիստ» հրատարակչության «Մաշան ու արջը. թռչող ցախավելը» գիրքն է: Ինչպես ժամանակակից մուլտֆիլմերի հիմք դարձած այլ հեքիաթներ, այնպես էլ «Մաշան ու արջը. թռչող ցախավելը» շատ կարճ ժամանակում գրավել է փոքրիկներին: Մանկական գիրքը պատմում է Մաշայի արկածների և կախարդական ցախավելի մասին: Այնտեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար: Գրքին հաջորդում
է Շառլ Պերոյի` «Բուկինիստ» հրատարակչության հրատարակած «Մոխրոտիկը» տիկնիկովգրքույկը: Այն վաղուց չէր ընդգրկվել վարկանիշային աղյուսակում:
Այս գրքին հաջորդում է GSM հրատարակչության «Այբուբեն սպունգանման» գիրքը, որը ներառում է հայերենի 39 տառերը փոքրիկներին սովորեցնելու հետաքրքիր տարբերակներ:
Աղյուսակում տեղ է գտել նաև Ղազարոս Աղայանի «Հեքիաթներ» ժողովածուն: Դասականի հեքիաթները ևս թարգմանվել են աշխարհի տարբեր լեզուներով և սիրված գործեր դարձել շատ երկրներում:
Բոլոր ժամանակների ամենապահանջված հեղինակներից մեկի` Հովհաննես Թումանյանի «Հեքիաթներ» ժողովածուն հինգերորդ հորիզոնականում է: Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի բազմաթիվ լեզուներով, մշտապես հետաքրքրել են ընթերցողներին: Դրանք պահանջված են բոլոր սերունդների կողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
Սմբատ Գյուրջյանի «Իմ առաջին այբուբենը+ֆլոմաստեր» գիրքն այս շաբաթ զբաղեցնում է վեցերորդ հորիզոնականը: Այն շաբաթներ շարունակ ընդգրկվել է վարկանիշային աղյուսակում: Գիրքը հրաշալի ուղեցույց է նախադպրոցական տարիքի երեխաների համար և փոքրիկներին հնարավորություն է տալիս ինչպես սովորել այբուբենը, այնպես էլ «կախարդական» ֆլոմաստերի օգնությամբ գրել տառերը:
Հովհաննես Թումանյանի «Սուտլիկ որսկանը» առաջին անգամ հայտնվել է վարկանիշային աղյուսակում: Այն մանկական հեքիաթ է`նախատեսված 5-10 տարեկան երեխաների համար:
Հովհաննես Թումանյանի մեկ այլ ժողովածու` «Հեքիաթներ»-ը, այս անգամ «Արևիկ»-ի հրատարակությամբ, ութերորդ հորիզոնականում է:
Իններորդ հորիզոնականում են Հանս Քրիստիան Անդերսենի «Հեքիաթներ»-ը: Անդերսենյան հեքիաթները քաջ հայտնի են բոլոր փոքրիկներին ոչ միայն գրքերից, այլ նաև մուլտֆիլմերից ու լիամետրաժ խաղարկային ֆիլմերից, քանի որ դրանց զգալի մասն էկրանավորվել է:
«Մանկական բեսթսելեր»-ն այս շաբաթ եզրափակում է Անդերսենի մեկ այլ ժողովածու` «Հեքիաթներ»-ը` այս անգամ «Կռունկ»-ի հրատարակությամբ:
Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06), «Էդիթ Պրինտ» (57-70-09), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը:
Տեղ | Փոփ. | Գիրք | Հրատ. | Քանակ | |
1 | 0 | «Մաշան ու արջը. թռչող ցախավելը» | Բուկինիստ | 25 | |
2 | * |
Շառլ Պերրո «Մոխրոտիկը» |
Բուկինիստ | 15 | |
3 | +5 | «Այբուբեն սպունգանման» | GSM | 15 | |
4 | 0 |
Ղազարոս Աղայան «Հեքիաթներ» |
Արևիկ | 14 | |
5 | -3 |
Հովհաննես Թումանյան «Հեքիաթներ» |
ՄՀՄ | 10 | |
6 | * |
Սմբատ Գյուրջյան «Իմ առաջին այբուբենը+ֆլոմաստեր» |
GSM | 10 | |
7 | նոր |
Հովհաննես Թումանյան «Սուտլիկ որսկանը» |
Էդիթ Պրինտ | 10 | |
8 | -2 |
Հովհաննես Թումանյան «Հեքիաթներ» |
Արևիկ | 10 | |
9 | -6 |
Հանս Քրիստիան Անդերսեն «Հեքիաթներ» |
Արևիկ | 9 | |
10 | * |
Հանս Քրիստիան Անդերսեն «Հեքիաթներ» |
Կռունկ | 9 |
Բաժանորդագրվեք մեր ալիքին Telegram-ում