Թուրքերն ավերել են Մարաթուկի Սուրբ Աստվածածին եկեղեցին
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Արեւմտահայաստանի Սասունի շրջանի Մարաթուկ սարի Բարձր Սուրբ Աստվածածին եկեղեցին շարունակում է ավերվել թուրքերի կողմից: Տեղաբնակների հաղորդած տեղեկությունների համաձայն` ութ հանցագործներ բահերով բարձրացել են եկեղեցու տարածք և ավելի են քանդել կիսավեր եկեղեցին: Ինչպես հաղորդում է«Արմենպրես»-ը, այս մասին տեղեկացնում է Ստամբուլում լույս տեսնող հայկական «Ակոս» պարբերականը: Կառույցին լուրջ վնասներ պատճառելուց հետո հանցագործները դիմել են փախուստի:
Ավելի վաղ` հուլիսի 28-29-ը, երբ հին տոմարով Վարդավառ տոնող մի խումբ հայ ուխտավորներ բարձրացել էին Մարաթուկի եկեղեցի` մոմ վառելու և աղոթելու համար, հայկական հոգեւոր տաճարն արդեն իսկ գտել էին կիսավեր վիճակում: Այս տարի Մարաթուկ լեռը բարձրացած ուխտագնացների մեջ էին նաեւ հայաստանցի ուխտավորներ, այդ թվում` «Մարաթուկ» ազգագրական երգի ու պարի պետական անսամբլը:
Բաժանորդագրվեք մեր ալիքին Telegram-ում