368.18
«Նաիրիտ»-ի խնդրի լուծումը սարերի հետեւում չէ
1 րոպեի ընթերցում
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Մի քանի ընկերություններ, որոնք շահագրգռված են արհեստական կաուչուկ արտադրող եւ արդեն մեկ տարուց ավելի պարապուրդի մատնված Երեւանի «Նաիրիտ» գործարանի ճակատագրով, որոնք ուսումնասիրում էին իրենց ներկայացված ներդրումային ծրագիրը, ավարտել են այդ գործընթացը:
«Արմենպրես»-ի հաղորդմամբ, այս մասին փետրվարի 16-ին հայտարարեց ՀՀ էներգետիկայի եւ բնական պաշարների նախարար Արմեն Մովսիսյանը` ընդգծելով, որ դրա արդյունքում «Նաիրիտ»-ի նկատմամբ հետաքրքությունն ավելի է մեծացել:
«Հերթական փուլն այդ ծրագրի անկախ փորձագիտական եզրակացությունն է: Դրական արդյունքի դեպքում շահագրգռված ընկերություններից որեւիցե մեկը կսկսի այդ ծրագրի իրագործումը: Այն իր մեջ ներառում է ինչպես վարկի մարումն, այնպես էլ մյուս ծրագրային խնդիրները»,- ասաց նախարարը:
Բաժանորդագրվեք մեր ալիքին Telegram-ում