Ա. Աբրահամյանն հրաժարվել է Օլիմպիական խաղերի բրոնզե մեդալից եւ շպրտել այն

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ (թղթ. Արմեն Խաչատրյան): Պեկինի Օլիմպիական խաղերում Շվեդիան ներկայացնող հայազգի ըմբշամարտիկ Արա Աբրահամյանն այսօր հրաժարվել է իրեն շնորհված բրոնզե մեդալից եւ շպրտել այն: «Ռոյթերսե լրատվական գործակալության փոխանցմամբ` հունահռոմեական ըմբշամարտի մրցաշարում 84 կիլոգրամ քաշային կարգում հանդես եկած Ա. Աբրահամյանը մասնակցել է պարգեւատրման արարողությանը եւ ստացել մեդալը, ինչից հետո իջել է պատվանդանից, շպրտել մեդալը մրցագորգի վրա եւ հեռացել: Այդ քայլով նա իր բողոքն է արտահայտել մրցավարների դեմ, որոնք, ըստ նրա` անարդարացիորեն կիսաեզրափակիչում հաղթանակը շնորհել են իր մրցակցին` իտալացի Անդրեա Մինգուցիին, որն էլ դարձել է օլիմպիական չեմպիոն: «Ինձ պետք չէ այս մեդալը, ես ոսկի էի ցանկանում եւ եկել էի այստեղ դրա համարե,- հայտարարել է Ա. Աբրահամյանը: 33-ամյա ըմբշամարտիկը հայտնել է նաեւ, որ հրաժեշտ է տալու սպորտին: «Սա իմ վերջին մրցաշարն է: Ես ոսկի էի ուզում, հետեւաբար` ձախողված եմ համարում այս Օլիմպիական խաղերըե, - ասել է հայազգի ըմշամարտիկը: Շվեդիայի ըմբշամարտի հավաքականի գլխավոր մարզիչ Լեո Միլարին քաղաքական է անվանել մրցավարների որոշումը: Մեկնաբանելով պարգեւատրման արարողության ժամանակ Ա. Աբրահամյանի պահվածքը` Անդրեա Մինգուցին նշել է, որ Շվեդիան ներկայացնող մարզիկը որոշ չափով փչացրել է պարգեւատրման արարողությունն իր համար: «Անշուշտ, կարելի է միշտ հարցականի տակ առնել մրցավարների կայացրած որոշումները, սակայն սպորտում հարկ է մարզիկի կեցվածք դրսեւորել եւ ընդունել արդյունքները ու պարտությունըե: