Հայաստանի Մ15 և Մ14 հավաքականներն ավարտեցին իրենց ելույթները ՈՒԵՖԱ-ի զարգացման մրցաշարում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Կիպրոսի Այա Նապա քաղաքում ավարտվեց ՈՒԵՖԱ-ի Զարգացման մրցաշարը, որին մասնակցում էին Հայաստանի մինչև 15 և 14 տարեկանների հավաքականները: Հայաստանի մինչև 15 տարեկանների հավաքականը, որը կազմավորված է 2000 թ. ծնված պատանի ֆուտբոլիստներից, մրցեց ՆՀՀ Մակեդոնիայի Մ15 հավաքականի հետ, որն ամբողջությամբ կազմավորված էր 1999 թ. ծնված պատանի ֆուտբոլիստներից: «Արմենպրես»-ի հաղորդմամբ, այս մասին տեղեկացնում է ՀՖՖ:
Մեր հավաքականը պարտվեց 1:2 հաշվով: Հայաստանի մինչև 14 տարեկանների հավաքականն իր հերթին 1:3 հաշվով զիջեց Կիպրոսի հավաքականին, որի ֆուտբոլիստները նույնպես 1-1.5 տարով մեծ էին մեր խաղացողներից:
Կարծիքներ
Հարցազրույցներ
Փաստ մեկնաբանությամբ