Հայաստանի բասկետբոլի կանանց ընտրանու անդամը դարձել է Ղազախստանի ակումբային առաջնության չեմպիոն
10:40, 17 Մայիս 2024
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Հայաստանի բասկետբոլի կանանց ազգային հավաքականի խաղացող Ինգա Մանուչարյանը դարձել Ղազախստանի ակումբային առաջնության հաղթող:
«Արմենպրես»-ի փոխանցմամբ` Հայաստանի կանանց ազգային հավաքականի խաղացող Ինգա Մանուչարյանը «Թուրանի» կազմում մասնակցել է Ղազախստանի կանանց առաջնության եզրափակիչ շարքի վերջին հանդիպմանը: «Թուրան»-ը 70:62 առավելության հասնելով «Ակտոբե»-ի նկատմամբ` դարձել է Ղազախստանի առաջնության չեմպիոն:
Մանուչարյանը վաստակել է 23 միավոր, 11 անգամ տիրել է օղակից անդրադարձող գնդակին և կատարել 8 արդյունավետ փոխանցում:
Հայազգի բասկետբոլիստը նաև ընդգրկվել է առաջնության լավագույն խաղացողների հնգյակում:
Բաժանորդագրվեք մեր ալիքին Telegram-ում