1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: 2019 թվականի հունիս ամսվա դրությամբ ՀՀ համախառն միջազգային պահուստները նախորդ տարվա նույն ժամանակահատվածի դրությամբ ավելացել են 11.3%-ով՝ կազմելով 2 մլրդ 216.3 մլն ԱՄՆ դոլար:
«Արմենպրես»-ի հաղորդմամբ՝ ՀՀ Կենտրոնական բանկը հրապարակել է 2019թ-ի երկրորդ եռամսյակի դրությամբ ՀՀ միջազգային պահուստների կառուցվածքը:
Ընթացիկ տարվա հունիսին նախորդ տարվա հունիսի համեմատ փոխարկելի արտարժույթով ակտիվների պահուստներն աճել են 11%-ով՝ կազմելով 2 մլրդ 204.7 մլն ԱՄՆ դոլար, իսկ Արժույթի միջազգային հիմնադրամում ՀՓԻ (հատուկ փոխառության իրավունք) պաշարներն աճել են 110%-ով՝ կազմելով 11.6 մլն ԱՄՆ դոլար: