Հունաստանի կառավարությունը մեծապես հետաքրքրված է հայ-հունական տնտեսական հարաբերությունների զարգացմամբ

2 րոպեի ընթերցում

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: ՀՀ-ում Հունաստանի արտակարգ և լիազոր դեսպան Նաֆսիկա Նանսի Էվա Վրայլանը կարևորեց հայ-հունական տնտեսական հարաբերությունների զարգացումը, երկու երկրների գործարար կապերի ամրապնդումն ու գործարարների հանդիպումները:

Ինչպես տեղեկացնում է «Արմենպրես»-ը, միջոցառմանը ներկա էին Հունաստանի արտաքին գործերի նախարարության միջազգային տնտեսական հարաբերությունների և զարգացման համագործակցության գլխավոր քարտուղար Իոաննիս Բրաչոսը, Աթենքի առևտրաարդյունաբերական պալատի գործադիր խորհրդի անդամ և բիզնես-խորհրդատվության բաժնի պետ Դիմիտրիս Դիմիտրիուն, Երևանի առևտրաարդյունաբերական պալատի նախագահ Անդրանիկ Ալեքսանյանը և այլք:

«Անելու ենք ամեն ինչ, որպեսզի խթանենք հայ-հունական տնտեսական հարաբերությունները, ամրապնդենք մեր գործարար կապերը: Այս միջոցառմամբ ցանկանում ենք ցույց տալ, որ Հունաստանի կառավարությունը մեծապես հետաքրքրված է այս հարաբերություններով, այդ նպատակով այստեղ է Հունաստանի միջազգային տնտեսական հարաբերությունների և զարգացման համագործակցության գլխավոր քարտուղարը»,- ասաց դեսպանը:

Միջոցառման ընթացքում ստորագրվեց փոխըմբռնման հուշագիր Երևանի և Աթենքի առևտրաարդյունաբերական պալատների միջև:

Գործադիր համաժողովի երկրորդ մասն անցավ երկուստեք հանդիպումներով (B2B ձևաչափով): Մեկ տասնյակ հունական ընկերությունների հետ համագործակցության հնարավորությունները քննարկելու համար ցուցակագրվել էին ավելի քան 50 հայկական ընկերություններ: Հունական ընկերությունները հիմնականում ներկայացնում էին շինարարության, քիմիական և կոսմետիկ միջոցների, ձիթապտղի յուղի արտադրության և արևային էներգետիկայի ոլորտները:

Հայերեն العربية Русский

Հայաստանի դահուկասպորտի ֆեդերացիայի նախագահը Համահայկական ձմեռային խաղերը հաճախակի կազմակերպելու կարիք է տեսնում

Հայաստանում սպասվում են տեղումներ, օդը կտաքանա 3-5 աստիճանով

Համահայկական ձմեռային խաղերի ամենամեծ աշխարհագրությունը շախմատում է

Համահայկական ձմեռային խաղերի Բեյրութի ձնամարտի թիմը մեծ ուրախությամբ է մասնակցում մրցաշարին

Համահայկական ձմեռային երկրորդ խաղերի առաջին մեդալակիր Միքայել Միքայելյանը խաղերում մեծ խորհուրդ է տեսնում

Համահայկական ձմեռային երկրորդ խաղերի ձնամարտի մրցաշարը մեծ աշխարհագրություն է ընդգրկել

Համահայկական ձմեռային երկրորդ խաղերի առաջին մեդալակիրները հայտնի են

ՀՀ ԿԳՄՍ նախարար Անդրեասյանը հրաշալի տոնակատարություն է համարում Համահայկական ձմեռային խաղերի բացման արարողությունը

Համահայկական խաղերի համաշխարհային խորհրդի գործադիր կոմիտեն բավականին մեծ աշխատանք է կատարել. Արայիկ Հարությունյան

«Ամբերդ» կայանից Քարի լիճ և Ամբերդ ամրոց ավտոճանապարհները փակ են, Լարսը բաց է