ՀՀ ԿԲ ավելի քան 50 աշխատակից ավարտել են Ֆլեթչերի իրավունքի և դիվանագիտության դպրոցի ծրագիրը
2 րոպեի ընթերցում
![ՀՀ ԿԲ ավելի քան 50 աշխատակից ավարտել են Ֆլեթչերի իրավունքի և դիվանագիտության դպրոցի ծրագիրը](http://armenpress.am/resized/480/static/news/b/2017/05/889244.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: ՀՀ կենտրոնական բանկի նախագահ Արթուր Ջավադյանը մայիսի 3-ին ընդունել է «Թավիթյան» հիմնադրամի եւ Ֆլեթչերի իրավունքի և դիվանագիտության դպրոցիպատվիրակությանը:
Ինչպես «Արմենպրես»-ին տեղեկացրին ԿԲ հասարակայնության հետ կապերի ծառայությունից, հանդիպման ընթացքում Արթուր Ջավադյանը կարեւորել է«Թավիթյան» հիմնադրամիհետ Կենտրոնական բանկի համագործակցությունը, որի շրջանակներում ԿԲ ավելի քան հիսուն աշխատակիցներ սկսած 2004 թվականից ավարտել ենՖլեթչերի իրավունքի և դիվանագիտության դպրոցիծրագիրը:
Արթուր Ջավադյանը գոհունակությամբ է խոսել Կենտրոնական բանկի և հիմնադրամի գործակցության ընթացքում գրանցված լավ արդյունքների մասին, ինչպես նաեւ իր երախտագիտությունն է հայտնել«Թավիթյան» հիմնադրամիհիմնադիր Ասո Թավիթյանին:«Թավիթյան» հիմնադրամն ուրույն դեր ունի Հայաստանիհանրային ոլորտիերիտասարդ մասնագետների կրթման և վերապատրաստման գործում:Պարոն Ջավադյանը մասնավորապես նշել է, որ որՖլեթչերի իրավունքի և դիվանագիտության դպրոցիմշակույթը իր դրական ազդեցությունն է ունեցել ԿԲ աշխատակիցների արդյունավետ աշխատանքի վրա:
Իր հերթին Ասո Թավիթյանը շնորհակալություն է հայտնել ջերմ ընդունելության համար և նույնպես գոհունակություն արտահայտել կենտրոնական բանկի հետ իր հիմնադրամի երկարատև համագործակցության մակարդակի մասին: Նա շատ դրական է գնահատում այն հանգամանքը, որ Ֆլեթչերի դիվանագիտության և իրավունքի դպրոցի կրթական ծրագիրն անցած ԿԲ աշխատակիցները հաջողություն են գրանցում իրենց աշխատանքային գործունեության ընթացքում և ապահովում մասնագիտական աճ:
Կողմերը քննարկեցին հետագայում կենտրոնական բանկի և հիմնադրամի հնարավոր համագործակցության հնարավորությունները՝ մասնավորապես Դիլիջանի ուսումնահետազոտական կենտրոնում համատեղ կրթական ծրագրերի իրականացման հնարավորությունները: