1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: ԵԱՏՄ-ի հետ համագործակցությունը գրավիչ է շատ երկրների համար: Այս մասին «Արմենպրես»-ի մամուլի սրահում հրավիրված ասուլիսում նշեց Հայաստանում Ռուսաստանի արտակարգ և լիազոր դեսպան Իվան Վոլինկինը:
«Այդ երկրներից շատերը հայտ են ներկայացրել ԵԱՏՄ-ի հետ համագործակցելու համար: Ինչպես գիտեք, Վիետնամի և Սերբիայի հետ արդեն կա կնքված ազատ առևտրի գոտու մասին համաձայնագիր: Ներկայումս նման համաձայնագիր կնքելու հարց քննարկվում է Հնդկաստանի, Եգիպտոսի, Իրանի, Իսրայելի, Հարավային Կորեայի Սինգապուրի հետ»,-ասաց դեսպանը:
Ինչ վերաբերում է Ադրբեջանին, ապա դեսպանը նշեց, որ ԵԱՏՄ-ի հետ կարող են համագործակցել կամ այս կառույցին անդամակցել այն երկրները, որոնք նման ցանկություն կհայտնեն: Ադրբեջանն, ըստ դեսպանի, անդամակցության ցանկություն չի հայտնել: Իվան Վոլինկինը հիշեցրեց, որ ԵԱՏՄ-ում որոշումները կայացվում են կոնսեսուսով:
