Սպասվող լրահոս. 14.03.2016

4 րոպեի ընթերցում

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ:«Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

Այսօր` մարտի 14-ին, սպասվում է Երևան-Մոսկվա տեսակամուրջ` որի ընթացքում Հայաստանի և Ռուսաստանի գործիչները կանդրադառնան ՀԱՊԿ պատասխանատվության գոտում հավաքական անվտանգության սպառնալիքներին ու դրանց նվազեցման ուղիներին վերաբերող հարցերին։ Մոսկվայից տեսակապին կմասնակցի ՌԴ Պետդումայի անվտանգության և կոռուպցիայի հակազդեցության կոմիտեի անդամ Անատոլի Վիբորնինը, իսկ Հայաստանից`ՀՀ ԱԺ պատգամավոր Խոսրով Հարությունյանը։

Մարտի 15-ին լրանում է սիրիական հակամարտության 5-րդ տարին: Արաբագետներ Սարգիս Գրիգորյանն ու Արմեն Պետրոսյանը կանդրադառնան Մերձավոր Արևելքում առկա իրավիճակին և հնարավոր զարգացումներին: Մերձավորարևելյան զարգացումների համատեքստում թուրքական քաղաքականությանը, քրդական հարցին, Թուրքիայի հայկական համայնքի օրակարգային խնդիրների մասին կխոսի թուրքագետ Տիրան Լոքմագյոզյանը: Իսկ Կովկասի ինստիտուտի փոխտնօրեն, քաղաքական գիտությունների դոկտոր Սերգեյ Մինասյանն էլ կվերլուծի ղարաբաղյան խնդրի հետ կապված վերջին զարգացումները:

ՀՀ էներգետիկայի և բնական պաշարների նախարարությունը՝ Հայաստանում Կանադայի դեսպանատան հետ համատեղ կազմակերպում է հայ-կանադական գործարար համաժողով՝ նվիրված հանքարդյունաբերության ոլորտին:

Գյումրիում ծայրահեղ ծանր պայմաններում ապրող ընտանիքների համար բնակարան գնելու նախաձեռնության հեղինակ, լուսանկարիչ Հայկ Բարսեղյանը, Երևանը Գյումրիի կողքին է դրամահավաքի կազմակերպիչներից Մաքսիմ Սարգսյանը կներկայացնեն Գյումրիում ծայրահեղ ծանր պայմաններում ապրող ընտանիքներին բնակարան գնելու դրամահավաքի մինչ օրս եղած արդյունքները: Կտեղեկացնեն նաև, թե ովքեր ելույթ կունենան մարտի 20-ին Երևանում կայանալիք համերգ-դրամահավաքի շրջանակներում:

Մեկամսյակի շրջանակներում ուշադրության կենտրոնում պահելով կանանց, սեքսոպաթոլոգ-հոգեթերապևտ Մարատ Զաքարյանը, հոգեբան Լիլիթ Խաչատրյանը և բժիշկ-գինեկոլոգ Նելլի Ավագյանը կանրադառնան կանանց առողջությանը, կքննարկեն տարածված խնդիրները ու դրանց հաղթահարման մեթոդները:

Մարտի 15-ը Սպառողների միջազգային օրն է: Օրվան ընդառաջ Սպառողների միության նախագահ Արմեն Պողոսյանը, «Աքիլլես» ավտովարորդների իրավունքների պաշտպանության կենտրոն» ՀԿ նախագահ Էդուարդ Հովհաննիսյանը և սոցիոլոգ Ահարոն Ադիբեկյանը կներկայացնեն, թե Հայաստանում որքանո՞վ են պաշտպանված սպառողների իրավունքները , ո՞ր ոլորտում են ավելի շատ լինում խախտումները, ինչպիսի՞ դրական զարգացումներ կան:

Մեկնարկում է «Բյուրոկրատ» գրախանութի նոր նախագիծը՝ «Հանդիպումներ Բյուրոկրատում» խորագրով: Հանդիպումներին կհրավիրվեն գրողներ, կներկայացվի նրանց ստեղծագործությունը, կլինեն զրույցներ, դասախոսություններ, քնարկումներ գրքի, գրականության շուրջ: Գրողներից բացի, հանդիպումների հյուր կլինեն նաև հանրությանը ծանոթ ու հետաքրքիր այլ մարդիկ: Առաջին հանդիպման հյուրն է տեղեկատվական անվտանգության հարցերով փորձագետ Սամվել Մարտիրոսյանը:

Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյբուքում:

Հայերեն English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ