3 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
Հունվարի 25-ին մեկնարկել է ԵԽԽՎ ձմեռային նստաշրջանը: Այսօր` հունվարի 26-ին, սպասվում է, որ նստաշրջանում անդրադարձ կկատարվի օրակարգ ներառված երկու հակահայկական բանաձևերին: Օրվա լրահոսում կլինեն հրապարակումներ ինչպես բուն քննարկման մասին, այնպես էլ կներկայացվեն տարբեր պետական, հասարակական, քաղաքական գործիչների, վերլուծաբանների տեսակետներ ու գնահատականներ: Մասնավորապես, թեմայի շուրջ կխոսեն Հայաստանի մարդու իրավունքների առաջին պաշտպան Լարիսա Ալավերդյանը, քաղաքագետ Ալեքսանդր Մանասյանը:
Հունվարի 26-ն ամփոփիչի օր է մի շարք գերատեսչությունների համար: Այսօր աշխատանքներն է ամփոփելու Պաշտպանության նախարար Սեյրան Օհանյանը, Գիտության պետական կոմիտեի նախագահ Սամվել Հարությունյանը, ինչպես նաև Հայաստանի գլխավոր հարկադիր կատարող Միհրան Պողոսյանը: Գերատեսչությունների ղեկավարները կներկայացնեն նաև 2016 թվականի ծրագրերը:
Կգնահատվեն Հայաստանում աղետի ռիսկերի կառավարման հնարավորությունները: Թեմային այսօր անդրադարձ կկատարվի սպասվող աշխատաժողովին, որը կազմակերպել է Տարածքային կառավարման և արտակարգ իրավիճակների նախարարությունը Համաշխարհային բանկի և ՄԱԿ-ի զագացման ծրագրի հետ համատեղ: Աշխատաժողովին կներկայացվի նաև միջազգային փորձը:
Հանդիպում են պետական պաշտոնյաններն ու գործարրաները: Հայ գործարարներին ներկայացվելու է Հայաստանի ու Կանադայի միջև առևտրային հարաբերությունների զարգացման հնարավորություններն ու կանադական սննդային ապրանքները: Ներկա է լինելու ՀՀ-ում Կանադայի դեսպան Ջոն Քերը: Մասնակցելու են նաև պետական պաշտոնյաներ, Հայաստանի առաջատար առևտրային ցանցերի ղեկավարներ, խոշորագույն հյուրանոցային և ռեստորանային ցանցերի կառավարիչներ, առաջատար ընկերությունների ներկայացուցիչներ:
Այսօր սպասվող լրահոսում տեղ կգտնեն հրապարակումներ մեծանուն գրող Պարույր Սևակի մասին: Առիթը` նրա ծննդյան օրն է: Ազգային գրադարանում սպասվող միջոցառմանը երիտասարդ գրողները կանդրադառնան գրողի կյանիքն ստեղծագործություններին:
Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյբուքում: