1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Հանկարծամահ է եղել Հայաստանի մարքսիստական կուսակցության նախագահ Դավիթ Հակոբյանը: «Արմենպրես»-ին կուսակցության գրասենյակից տեղեկացրին, որ նրա առողջական վիճակը վատացել է սեպտեմբերի 29-ի առավոտյան: Նրան շտապօգնության մեքենայով տեղափոխել են հիվանդանոց, որտեղ էլ մահացել է: Մահվան ստույգ պատճառներն առայժմ չեն հաղորդվում:
«Դավիթ Հակոբյանին մեր հիվանդանոց հասցրել են մահացած վիճակում: Նա ամիսներ առաջ սրտի հետ կապված խնդիրներ ուներ և մեր հիվանդանոցում կատարվել էր նրա սրտի անոթների ստենտավորում»,-տեղեկացրեց Սրտաբանության գիտահետազոտական ինստիտուտի ինֆարկտային բաժնի վարիչ Սուրեն Ներսեսյանը:
«Արմենպրես»-ը ցավակցում է Դավիթ Հակոբյանի հարազատներին եւ մերձավորներին: