10 րոպեի ընթերցում
ԱՆՈՆՍ
17 հուլիս, 2014
|
Ժամը |
Վայրը |
Միջոցառումներ |
|
09:00-ին |
ՀՀ սահմանադրական դատարանի դիմացից |
Կմեկնեն Գյումրի, որտեղ ժամը 11:00-ին մարզպետարանի դահլիճում տեղի կունենա սահմանադրական բարեփոխումների հայեցակարգի նախագծի հանրային քննարկումը: Բանախոսներ` ՀՀ նախագահին կից սահմանադրական բարեփոխումների մասնագիտական հանձնաժողովի նախագահ Գագիկ Հարությունյան, հանձնաժողովի անդամ Գագիկ Ղազինյան: |
|
11:00-ին |
«Տեսակետ» մամուլի ակումբում |
Հյուրերն են Եվրոպական տարածաշրջանային ակադեմիայի հոգեբանության ամբիոնի վարիչ Կարինե Նալչաջյանը և ՀՀ ԳԱԱ Հնագիտության և ազգագրության ինստիտուտի առաջատար գիտաշխատող, պատմ. գիտ. դոկտ., ազգագրագետ Հարություն Մարությանը: Թեմա` «Հոգեբանորեն ինչպե՞ս է հայ հասարակությունը պատրաստվում Հայոց ցեղասպանության 100-րդ տարելիցին: Որքանո՞վ է զոհի կերպարն արմատացած մեր մեջ, և ի՞նչ է պետք անել` դրանից ձերբազատվելու ու այն հաղթահարելու համար»: |
|
11:00-ին |
«Մեդիա կենտրոնում» |
Կենտրոնը կհյուրընկալի ճանաչված կինոօպերատոր Յուրի Հարմաշին: Յուրի Հարմաշը «Ոսկե ծիրան» կինոփառատոնի շրջանակներում բացված Փարաջանովի լուսանկարների ցուցահանդեսի առիթով է Երևան եկել: Նա Փարաջանովի բազմաթիվ լուսանկարների հեղինակն է: |
|
11:00-ին |
Հանրապետության հրապարակից |
Կմեկնեն Արտաշատ, որտեղ ժամը 12:00-ին Արտաշատ քաղաքի Արարատի և Վայոց Ձորի մարզերիընդհանուր իրավասության դատարանում տեղի կունենա ամուսնու կողմից հասցված 21 դանակի հարվածից մահացած Դիանա Նահապետյանի սպանության գործով դատական քննությունը: «Ընդդեմ կանանց նկատմամբ բռնության կոալիցիան» դատավարության օրը դատարանի դիմաց կիրականացնի ակցիա: Դիանայի գործի լուսաբանմամբ և դեպքի ընթացքի հետևելով զբաղվում է «Հասարակություն առանց բռնության» ՀԿ-ի Արագ արձագանքման խումբը` 2012 թ.-ի դեկտեմբերից: |
|
11:00-ից |
«Ոսկե ծիրան» կինոփառատոնի շրջանակներում կայանալիք միջոցառումները. |
Ժամը 11:00-ին, «Ռոյալ Թուլիփ Գրանդ Հոթել Երևան» հյուրանոցի «Վիվալդի» սրահ` մամուլի ասուլիս Ավի Վայսբլայի, Հեյլիկա Պիկկովի և Տատյանա Պետրիրի հետ: Ժամը 12:00-ին, «Ռոյալ Թուլիփ Գրանդ Հոթել Երևան» հյուրանոցի «Վիվալդի» սրահ` մամուլի ասուլիս Հայկ Քոչարյանի և Սուրեն Բաբայանի հետ: Ժամը 13:00-ին, «Ռոյալ Թուլիփ Գրանդ Հոթել Երևան» հյուրանոցի «Վիվալդի» սրահ` մամուլի ասուլիս Հարություն Խաչատրյանի, Նինո Անջափարիձեի, Մալխաս Սալաձեի հետ. «Սինեմա Էսպրես» ծրագրի ներկայացում: Ժամը 15:00-ին, «Նաիրի» կինոթատրոն` վարպետության դաս. Ռիչարդ Պենյա. «Աֆրոամերիկյան անկախ կինոյի սկզբնավորումը»: Ժամը 15:00-ին, «Մետաքսե ճանապարհ» հյուրանոց /Այգեձոր 53/` կլոր սեղան` «Փարաջանով. կյանքը, արվեստը, պոեզիան»: Ժամը 16:00-ին, «Մոսկվա» կինոթատրոնի Կարմիր դահլիճ` Օթար Իոսելիանի. Հետահայաց ցուցադրությունների ծրագրի բացում. «Խաժամուժ»: Ժամը 17:30-ին, «Թումո» կենտրոն` դասախոսություն. հանդիպում Լևան Կոգուաշվիլու հետ: Ժամը 22:00-ին, «Պողոսյան այգիներ»` երևանյան գիշերներ. «Ազատության կանչը», ռեժ. Վոյցեխ Սլոտա, Լեշեկ Գնոինսկի: Ժամը 24:00-ին, ԱԿՈՒՄԲ /Թումանյան 40/` կեսգիշերային հանդիպում-ամփոփում: |
|
11:30-ին |
ԵՄ կենտրոնում (Մաշտոցի պողոտա 43/34) |
Հայաստանում ԵՄ պատվիրակության ղեկավար, դեսպան Տրայան Հրիսթեան կհանձնի երկրորդ առցանց վիկտորինայի հաղթողների մրցանակները: Առաջին մրցանակը` նոութբուքը ստացել է ուսանող Գևորգ Սինանյանը` Սյունիքի մարզի Գորիս քաղաքից, երկրորդը` նեթբուքը կհանձնվի երևանցի ուսանող Էմմա Աղլամազյանին, երրորդը` «Քինդլ» էլեկտրոնային գիրքը կստանա ուսանող Գայանե Գեղամյանը: Միջոցառմանը մասնակիցները հնարավորություն կունենան ստուգելու ԵՄ ծրագրերի և Հայաստանում ԵՄ ֆինանսավորմամբ իրականացվող նախագծերի մասին իրենց գիտելիքները: |
|
12:00-ին |
Ֆրանսիայի դեսպանատանը |
Տեղի կունենա ՀՀ պետական կառավարման ակադեմիայի կազմում գործող «Սիանս Պո Արմենիա»-ի առաջին շրջանավարտների դիպլոմների հանձնման արարողությունը, որին ներկա կլինեն Ֆրանսիայի դեսպանը, Ֆրանսիայի «Սիանս Պո Էքս»-ի պաշտոնական պատվիրակությունը` տնօրեն Քրիստիան Դյուվալի գլխավորությամբ, պաշտոնատար անձինք և այլոք: |
|
12:00-ին |
«Հայացք» մամուլի ակումբում |
Խոսքի ազատության պաշտպանության կոմիտեի նախագահ Աշոտ Մելիքյանը և իրավաբան Օլգա Սաֆարյանը կներկայացնեն պետական մարմինների տեղեկատվության մատչելիության խնդիրները` ըստ պաշտոնական կայքերի մոնիտորինգի տվյալների: |
|
12:00-ին |
«Ելակետ» մամուլի ակումբում |
Տեղի կունենա ասուլիս` «Զրպարտություն, թե շառլատանություն» թեմայով: Բանախոսներ. դերասան Կարեն Մկրտչյան, AM իրավաբանական ընկերության գլխավոր իրավախորհրդատու, փաստաբան Դավիթ Հունանյան և AM իրավաբանական ընկերության ավագիրավախորհրդատու,փաստաբան ՎահագնԴալլաքյան: Բանախոսները կանդրադառնան դերասանի հասցեին կրկին հնչած մեղադրանքներին, կներկայացնեն բուժման ընթացքն ու վճարումները հավաստող փաստաթղթեր, ինչպես նաև կխոսեն առաջիկա քայլերի մասին: |
|
12:00-ին |
«Երկու երես» մամուլի ակումբում (Տերյան 72) |
Տեղի կունենա ասուլիս` «Ամռան տապը ինչպիսի՞ ազդեցություն կարող է թողնել սիրտ-անոթային համակարգի վրա: Ինչպե՞ս պաշտպանել օրգանիզմը անցանկալի հետևանքներից: Խորհուրդ են տալիս մասնագետները» թեմայով: Հյուրերն են սրտաբաններ Տիգրան Պողոսյանը և Զադիգ Բալաբանյանը: |
|
13:00-ին |
«Արմատ» ակումբում |
Հյուրն է թուրքագետ Գևորգ Պետրոսյանը: Թեմա՝ «Թուրքիայում նախագահական նախընտրական իրավիճակն ու զարգացումները. Հայ համայնքն իր աջակացությունն է հայտնել թեկնածուներից մեկին, ինչո՞վ է պայմանավորված հայ համայնքի ընտրությունը, և ովքե՞ր են Թուրքիայի նախագահի ամենահավանական թեկնածուները»: |
|
13:00-ին |
«Իրատես de facto» ակումբում |
Հյուրն է ԱԺ ՀՀԿ խմբակցության անդամ Լեռնիկ Ալեքսանյանը։ Թեմա` «Ինչո՞ւ է ձգձգվում Հայաստանի անդամակցությունը Եվրասիական տնտեսական միությանը»: |
|
13:00-ին |
«Ազդակ» լրագրողական ակումբում |
Տեղի կունենա կլոր սեղան` «Աղանդավորության եւ այլասերվածության գրոհը Հայաստանի վրա» թեմայով: Մասնակիցներն են ՍԻՄ նախագահ, ԱԺ ՀՀԿ խմբակցության պատգամավոր Հայկ Բաբուխանյանը, Համահայկական ծնողական կոմիտեի նախագահ Արման Բոշյանը, Քայքայիչ պաշտամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանը: |
|
14:45-ին |
ՀՀ ոստիկանության հասարակայնության հետ կապի և լրատվության վարչության մամուլի սրահում (Նալբանդյան 130) |
Տեղի կունենա մասնավոր պահնորդական գործունեության իրականացման` ՀՀ ոստիկանության լիցենզավորող հանձնաժողովի առաջին նիստը: |
|
16:00-ին |
ՀՀ սփյուռքի նախարարությունում |
ՀԲԸՄ Հայ երիտասարդաց ընկերակցության 7-րդ սկաուտական բանակումի 125 սկաուտ և ճամբարի պատասխանատուներ, ՀԵ ընկերակցության վարիչ-տնօրեն Գևորգ Սանթուրյանի գլխավորությամբ, կայցելեն ՀՀ սփյուռքի նախարարություն և կհանդիպեն նախարար Հրանուշ Հակոբյանի հետ: 7-րդ սկաուտական բանակումը, որին մասնակցում է 125 երիտասարդ Լիբանանից, Սիրիայից, Վրաստանից, Բուլղարիայից, ԱՄԷ-ից, մեկնարկել է հուլիսի 14-ին և կտևի մինչև օգոստոսի 4-ը: |
|
16:00-ին |
Հայաստանի ֆուտբոլի ակադեմիայում (Ավան, Աճառյան 35/31) |
Տեղի կունենա ԱՊՀ մասնակից պետությունների զինված ուժերի ձյուդոյի առաջնության հանդիսավոր բացման արարողությունը: Առաջնությունը Հայաստանում անցկացվում է հուլիսի 15-18-ը: Նույն օրը զինծառայող-մարզիկները կանցկացնեն եզրափակիչ մենամարտերը: Առաջնության հաղթողները ՀՀ պաշտպանության նախարարի և ՀՀ ԶՈՒ ԳՇ պետի կողմից կպարգևատրվեն պատվոգրերով, մեդալներով, գավաթներով և հուշանվերներով: |