9 րոպեի ընթերցում
ԱՆՈՆՍ
12 հունիս, 2014
|
Ժամը |
Վայրը |
Միջոցառումներ |
|
10:00-ին |
Ծիծեռնակաբերդի հուշահամալիր |
Կայցելեն Մայր Աթոռ Սուրբ Էջմիածնում կայացած միջազգային խորհրդակցության մասնակիցները /Եկեղեցիների Համաշխարհային Խորհրդի/: |
|
11:00-ին |
«Հայելի» ակումբում |
Հյուրերն են Հովհաննես Իգիթյանը /նորացված ՀՀՇ/, Լևոն Մարտիրոսյանը /ՀՀԿ/: Թեմա` սահմանի լարվածություն, Նախիջևանի կրակոցներ, քառյակի 12 կետ, կարմիր գիծ: |
|
11:00-ին |
«Տեսակետ» մամուլի ակումբում |
Հյուրն է քաղաքագետ Լևոն Մելիք-Շահնազարյանը: Թեման` «Լարված և անհանգիստ սահմաններ: Տարածաշրջանային վերջին զարգացումներն ու գործընթացները»: |
|
11:00-ին |
Երևանի Վ.Բրյուսովի անվան պետական լեզվահասարակագիտական համալսարանի հունական լեզվի և մշակույթի կենտրոն |
Հյուրն է ՀՀ-ում Հունաստանի Հանրապետության արտակարգ և լիազոր դեսպան պարոն Իոաննիս Տայիսը: Հունաստանի Հանրապետության կառավարությունը, նպատակ ունենալով Հայաստանում տարածել ու զարգացնել հունական մշակույթը և լեզուն, որոշում է ընդունել օժանդակություն ցուցաբերել ԵՊԼՀ Հունարեն լեզվի և մշակույթի կենտրոնին: Միջոցառման ընթացքում ելույթ կունենան ԵՊԼՀ ռեկտոր Գայանե Գասպարյանը, ՀՀ-ում Հունաստանի Հանրապետության դեսպան Իոաննիս Տայիսը: |
|
11:00-ին |
Նար Դոսի 2 հասցեում |
ՀՀ-ում Ֆրանսիայի դեսպանը կայցելի վերջերս Նար Դոսի 2 հասցեում մեկ հարկի տակ տեղակայված Ֆրանսիական մանկապարտեզ և Ֆրանսիական տարրական դպրոց` ծանոթանալու երկու ուսումնական հաստատությունների շենքային պայմաններին և ուսումնական պրոցեսին։ Այնուհետև` ժամը 11:30-ին, նույն վայրում, դեսպան Ռենոն հանդես կգա մամուլի ասուլիսով` նվիրված կրթության ոլորտում հայ-ֆրանսիական համագործակցությանը և հետագա ծրագրերին։ |
|
11:00-ին |
«Զարկերակ» մամուլի ակումբում |
Տեղի կունենա ՀՀ ԱԻՆ Տեխնիկական օգնության ազգային կենտրոնի տեխնիկական անվտանգության բաժնի գլխավոր փորձագետ Լուսինե Հովհաննիսյանի ասուլիսը, «Ինչպիսի տեխնիկական վիճակում են այսօր մեր կարուսելներն ու վերելակները: Որքանով են պատրաստ շահագործման և ինչպիսի վիճակագրություն ունենք: Ինչ հաճախականությամբ են անցնում փորձաքննություն» թեմաներով: |
|
11:00-ին |
«Բլից ինֆո» մամուլի ակումբի /Արշակունյաց 2/ |
Հյուրերն են Վերնիսաժի մոտ տեղի ունեցած միջադեպի գործով ձերբակալված անձանց փաստաբաններ` Վարդուհի Էլբակյանը և Արմեն Խաչատրյանը: Փաստաբանները կանդրադառնան դեպքի մանրմասաներին և դատաքննության ընթացքին: |
|
11:00-ին |
Նորաբաց «Ազատ խոսք» մամուլի ակումբում /Գարեգին Նժդեհ 34, 2-րդ հարկ, +374 (95) 076778/ |
Կկայանա «Հունիսի 12. Երեխաների հարկադիր աշխատանքի դեմ պայքարի միջազգային օրը» խորագրով ասուլիս: |
|
12:00-ին |
«Երկու երես» մամուլի ակումբում (Տերյան 72) |
Տեղի կունենա ասուլիս «Էլեկտրաէներգիայից մինչև պարենային ապրանքների թանկացումներ: Որքանով են թանկացումները հիմնավորված: Ինչպես սպառողները պաշտպանեն իրենց իրավունքները և որոնք են այդ պայքարի ձևերը» թեմայով: Հյուրերն են Սպառողների միության նախագահ Արմեն Պողոսյանը և «Սպառողների խորհրդատվություն կենտրոն» ՀԿ նախագահ Կարեն Չիլինգարյանը: |
|
12:00-ին |
«Անալիտիկ» կենտրոնում |
Հյուրերն են Մարզահամերգային համալիրի փաստաբան Արմինե Հակոբյանը և համալիրի աշխատակից Կորյուն Գրիգորյանը: Թեման` «Նոր զարգացումներ Մարզահամերգային համալիրի աղմկահարույց աճուրդի գործընթացի շուրջ»: |
|
12:00-ին |
«Հայելի» ակումբում |
Հյուրերն են հայոց լեզվի մասնագետ, վաստակավոր ուսուցչուհի Բեատրիչե Ստեփանյանը և փորձագետ Սուսաննա Աբազյանը: Թեմա` բուհերի քննությունների կազմակերպում. բացթողումներ և թերություններ. Հայոց լեզվի թեսթեր. վիճարկելի հարցեր: |
|
12:00-ին |
ՀՀ վարչական դատարանում (Գարեգին Նժդեհի 23, 3-րդ հարկ, 315 դահլիճ) |
Տեղի կունենա «Նոյյան Տապան» ՍՊԸ-ն ընդդեմ ՀՀ կառավարությանն անռընթեր պետական եկամուտների կոմիտեի Կենտրոնի հարկային տեսչության` վերջինիս գործողությունները ոչ իրավաչափ ճանաչելու և «Նոյյան Տապան» ՍՊԸ-ին հասցված վնասը փոխատուցելու պարտավորեցնելու պահանջների վերաբերյալ նախնական դատական նիստը: |
|
12:00-ին |
«Ուրբաթ» մամուլի ակումբում |
Հյուրն է Հեղնար Ունուսյանը: Թեման. «Հեղնար Ունուսյանն ընդդեմ թոշակի անցնող դատավորի: Նա կպատմի իր նկատմամբ կայացած ապօրինի վճռի և դատավորի կամայականությունների մասին: Էրեբունի և Նուբարաշեն վարչական շրջանների ընդհանուր իրավասության դատարանի վճռով ապօրինաբար վաճառքի է հանվել Հեղնարի ողջ գույքը և նա շուտով երեխաների հետ հայտնվելու է դրսում»: |
|
12:00-ին |
«Ազդակ» լրագրողական ակումբում |
Հյուրերն են երգի եւ պարի միջազգային մրցույթ-փառատոնի կազմակերպիչներ` Արման Ղուկասյանը եւ Կարեն Զոհրաբյանը: Հունիսի 18-19-ը Հայաստանում առաջին անգամ կանցկացվի երգի եւ պարի միջազգային մրցույթ-փառատոն: Հյուրերը կներկայացնեն փառատոնը եւ կխոսեն 18 երկրներից Հայաստան ժամանող մասնակիցների մասին: |
|
13:00-ին |
«Հայելի» ակումբում |
Հյուրերն են ԱՆ ՊԱԿ բաժնի պետ Սամվել Խարազյանը և Հայրենական ապրանք արտադրողների միության նախագահ Վազգեն Սաֆարյանը: Թեմա` սոցփաթեթի փոփոխություն, առավելություններ և թերություններ. շահառուների համար բուժօգնություն ստանալու նոր կարգը: |
|
13:00-ին |
Ալ.Սպենդիարյանի անվան օպերայի եւ բալետի ազգային ակադեմիական թատրոնի բակում (Ալ.Սպենդիարյանի եւ Հովհ.Թումանյանի արձանների միջնամասում) |
«ՊԻԿ» մշակութային նախագիծը եւ Ալ.Սպենդիարյանի անվան օպերայի եւ բալետի ազգային ակադեմիական թատրոնի աջակցման հիմնադրամը հանդես կգան «Հուլիսի 3․մեծ պրեմիերա» խորագիրը կրող մամուլի ասուլիսով։ Թեման` «Ինչ պրեմիերայի մասին է խոսքը, ինչու են մինչ այժմ այս պրեմերայի մասին լռում կազմակերպիչները, ովքեր եւ ինչ են ներկայացնելու Օպերայի եւ բալետի ազգային ակադեմիական թատրոնի բեմում»։ |
|
13:00-ին |
«Ուրբաթ» մամուլի ակումբում |
Հյուրերն են «Պահպանենք Աֆրիկյանների ակումբի շենքը» նախաձեռնության անդամներ. Հայկ Բիանջյանը, Սոնա Ասատրյանը, Նարեկ Վանը, Գրիգոր Ղազարյանը: Թեման. «Աֆրիկյանների ակումբի շենքն ունի բոլորիս հոգածության կարիքը: Նախաձեռնության անդամները կխոսեն պայքարի եւ իրենց հետագա անելիքների մասին»: |
|
13:00-ին |
«Իրատես de facto» ակումբում (Զաքյան 10) |
Հյուրն է բանաստեղծ Վահե Արսենը։ Թեման`«Այլ Արտ» նորաբաց գրական ակումբը, հոգեվարքով գրական դաշտը և մայրաքաղաքային արձանները»։ |
|
13:00-ին |
«Անալիտիկ» կենտրոնում |
Հյուրն է պատմ.գիտ.թեկնածու, գորգագետ Աշխունջ Պողոսյանը: Թեման` «Գորգագործության ներկան, զարգացման հեռանկարներն ու հնարավորությունները Հայաստանում»: |
|
14:00-ին |
Հայաստանի ամերիկյան համալսարանի «Փարամազ Ավետիսյան» մասնաշենքի 133 սրահում |
Կկայանա «Հոգեկան խանգարումներ ունեցող անձանց ազատության, արդար դատաքննության և անձնական կյանքի իրավունքները հայկական իրավունքում և պրակտիկայում» ուսումնասիրության շնորհանդեսը, որը կազմակերպել են «Քաղաքացիական հասարակության ինստիտուտ» ՀԿ-ն և ՀԱՀ-ը: Ուսումնասիրությունն իրականացվել է «Քաղաքացիական հասարակության ինստիտուտ» ՀԿ-ի կողմից։ |