8 րոպեի ընթերցում
ԱՆՈՆՍ
01 հունիս, 2014
|
Ժամը |
Վայրը |
Միջոցառումներ |
|
10:00-ին |
«Սուրբ Աստվածամայր» բժշկական կենտրոնում |
ՀՀ առողջապահության նախարարը կայցելի «Սուրբ Աստվածամայր» բժշկական կենտրոն /Ծերեթելիի հիվանդանոց/: |
|
10:00-ին |
Դավթաշենի 2-րդ թաղամասից |
Ավտոբուսները կմեկնեն Գավառ, որտեղ Երեխաների իրավունքների պաշտպանության տոնի կապակցությամբ «Նռանի» պարային համույթը կազմակերպել է բարեգործական համատեղ համերգային ծրագիր Գավառի մանկատան սաների հետ: «Նռանի» պարային համույթը այդ օրվա համար կազմակերպել է մանուկների ժամանցային ծրագիր մի քանի ուղղություններով: |
|
10:00-ին |
Մանկական զարգացման հիմնադրամի բակում /Մալաթիա-Սեբաստիա, Ռոմանոս Մելիքյան 1/ |
Երեխաների պաշտպանության միջազգային օրվա կապակցությամբ հիմնադրամը կազմակերպում է «Իմ ժպիտն արև է» խորագրով միջոցառում-ակցիա երեխաների ու նրանց հետ աշխատող մասնագետների անմիջական մասնակցությամբ: Միջոցառման աջակիցներն են «Վորլդ Վիժն- Հայաստան» միջազգային բարեգործական կազմակերպությունը, «Կարագյոզյաններ» հիմնադրամը: |
|
10:30-ին |
«Դալմա Գարդեն Մոլում» |
Հայկական Կարմիր խաչի ընկերությունը և «Դալմա Գարդեն Մոլը» համատեղ կազմակերպում են ժամանցային միջոցառում` ՀԿԽԸ «Ժպիտների ակումբ» ծրագրում ներգրավված Երևանի հանրակացարանաբնակ երեխաների համար: Մայիսի 23-ից «Դալմա Գարդեն Մոլի» սրահում տեղադրվել են նվերների և հանգանակության արկղեր, որտեղ մինչև հունիսի 1-ը «Ժպիտների ակումբ»-ի երեխաների համար հավաքվելու են նվերներ և գումար: |
|
11:00-ին |
ՀՀ պաշտպանության նախարարության վարչական համալիրում |
Երեխաների պաշտպանության միջազգային օրվա կապակցությամբ տեղի կունենա տոնական ուրախ միջոցառում, որին կմասնակցեն զինծառայողների և քաղաքացիական հատուկ ծառայողների երեխաները: Տոնական միջոցառման ընթացքում ելույթներ կունենան մանկական համույթներ, կկազմակերպվի մանկական գնացքով էքսկուրսիա վարչական համալիրի տարածքում: |
|
11:30-ին |
«Հաղթանակ» զբոսայգում |
Երեխաների իրավունքների պաշտպանության օրվա կապակցությամբ Երեւանի քաղաքապետը կայցելի «Հաղթանակ» զբոսայգի: |
|
12:30-ին |
ՀՀ արդարադատության նախարարության շենքի մոտից |
Կմեկնեն «Աբովյան» քրեակատարողական հիմնարկ, ուր Երեխաների պաշտպանության միջազգային օրվա կապակցությամբ կայցելի նախարար Հովհաննես Մանուկյանը: |
|
13:30-ին |
Հյուսիսային պողոտայում |
Տեղի կունենա «Երազանքների քաղաք» փառատոն-ցուցահանդեսի պաշտոնական բացումը: Միջոցառումը տեղի կունենա Երևանի քաղաքապետարանի և «Ջի Էմ Ջի մեդիա գրուպ» ընկերության նախաձեռնությամբ: Միջոցառումը կտևի երկու օր` հունիսի 1-2-ը: Պաշտոնական բացմանը ներկա կլինեն` Երևանի քաղաքապետ Տարոն Մարգարյանը, տեղակալ Արամ Սուքիասյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, պետական այրեր ու գործիչներ: |
|
13:00-ին |
Ազգային Ժողովի այգում |
«Բաց դռներ» ծրագրի շրջանակում, ԱԺ նախագահ Գալուստ Սահակյանի հովանավորությամբ, Երեխաների իրավունքների պաշտպանության օրվա կապակցությամբ տեղի կունենա տոնական ուրախ միջոցառում: Կլինեն անակնկալներ: |
|
14:00-ին |
Կ.Դեմիրճյանի անվան մարզահամերգային համալիրի բակում |
Երեխաների իրավունքների պաշտպանության միջազգային օրը, ՎԵՀ բարեգործական երիտասարդական հիմնադրամը կազմակերպում է բացօթյա համերգ, որին կմասնակցեն էստրադային փոքրիկ երգիչ-երգչուհիներ: Կկազմակերպվեն ժամանցային այլ միջոցառումներ: Միջոցառման ընթացքում սպասվում են անակնկալներ: |
|
14:00-ին |
«Բուկինիստ» գրախանութում |
«Բուկինիստ» գրախանութը կազմակերպել է մի շարք միջոցառումներ` «Հունիսի 1-ը «Բուկինիստում» խորագրով: Ժամը 14:00-15:00-ը` խաղեր, բացօթյա ցուցահանդես-տոնավաճառ: ժամը 15:00-17:00-ը` Հեքիաթի մրցույթ, ժամը 18:00-ին` «Ես` հեքիաթի հերոս» լուսանկարների մրցույթ: «Բուկինիստ» գրախանութը բազմաթիվ գրքեր է նվիրելու Մարի Իզմիրլյանի անվան մանկատան երեխաներին:Ինչպես նաև` «Բուկինիստը» հունիսի 1-ին ցուցահանդես-վաճառք է ունենալու Երևանի Կենդանաբանական այգում: |
|
14:00-ին |
Գեղագիտության ազգային կենտրոնում /Աբովյան 13/ |
«Գեղարվեստական կրթության միջազգային շաբաթ» ծրագրի շրջանակում տեղի կունենա հագուստների ինտերակտիվ պատրաստում և ձևավորում: |
|
14:30-ին |
Մանկական երկաթուղում |
ԱԺ նախագահ Գալուստ Սահակյանի հովանավորությամբ, Երեխաների իրավունքների պաշտպանության օրվա կապակցությամբ, տեղի կունենա տոնական ուրախ միջոցառում: |
|
16:00-ին |
Երևան քաղաքի Անգլիական այգում |
Երեխաների պաշտպանության միջազգային օրը տեղի կունենա «Ճանաչենք մշակույթները հեքիաթներով» փառատոնը: Փառատոնի նպատակն է հայ մանուկներին ներկայացնել տարբեր ազգերի` մասնավորապես ՀՀ-ում բնակվող ազգային փոքրամասնությունների (լեհական, հունական, գերմանական, եզդիական, քրդական, ռուսական, բելառուսական, հրեական, ասորական, վրացական, ուկրաինական) և, իհարկե, հայկական հեքիաթները: Փառատոնը իրականացվում է CAUCULT Կովկասյան մշակութային նախաձեռնությունների ցանց ծրագրի շրջանակում. |
|
19:00-ին |
King Garden-ում (Սայաթ-Նովա 40) |
Buy.am-ը հրավիրում է մանուկներին, ծնողներին և բոլոր ցանկացողներին միասին տոնելու Երեխաների իրավունքների պաշտպանության միջազգային օրը: Սպասվում են հետաքրքիր անակնալներ և խաղարկություններ ոչ միայն երեխաների, այլ նաև մեծահասակների համար: Բոլոր նվերները տրամադրել է Buy.am-ը` գործընկեր խանութների աջակցությամբ: |
|
19:00-ին |
«Ա. Բաբաջանյան» համերգասրահում |
ՀՀ սփյուռքի նախարարության հովանավորությամբ, Երեխաների պաշտպանության միջազգային օրվա կապակցությամբ տեղի կունենա ՀՕՄ «Շառավիղ» սիրիահայ մանկապատանեկան երգչախմբի համերգը: Միջոցառման կազմակերպմանն աջակցում են ՄԱԿ-ի Փախստականների հարցերով գերագույն հանձնակատարի և ՄԱԿ-ի Մանկական հիմնադրամի հայաստանյան գրասենյակները, «Վորլդ Վիժն-Հայաստան» կազմակերպությունը:
|