11 րոպեի ընթերցում
ԱՆՈՆՍ
30 մայիս, 2014
|
Ժամը |
Վայրը |
Միջոցառումներ |
|
09:00-ին
|
«Արմենիա Մարիոթ» հյուրանոցի «Արարատ» սրահում |
ՀՀ գյուղատնտեսության նախարարության ռազմավարության, ինչպես նաև ԵՄ Արևելյան գործընկերության գյուղատնտեսության և գյուղի զարգացման ծրագրի շրջանակում (ENPARD) իրականացվելիք ծրագրերը քննարկելու նպատակով` ՀՀ գյուղատնտեսության նախարարությունը կազմակերպում է «Կայունությունից դեպի զարգացում» խորագրով աշխատանքային խորհրդակցություն: Միջոցառման ընթացքում կկայանա նաև Հայաստանի Հանրապետության գյուղատնտեսության նախարարության նոր կայքի շնորհանդեսը: |
|
10:00-ին
|
Ազգային ժողովում |
Կշարունակվեն ՀՀ 2013թ. պետական բյուջեի կատարողականի քննարկումները: |
|
11:00-ին |
«Ավիատրանս» հյուրանոցի կոնֆերանսների դահլիճում /Աբովյան 4/ |
«Ոսկանապատ» վերլուծական կենտրոնը կազմակերպում է «Սիրիա. ահաբեկչություն, հայություն, ընտրություն» խորագրով խորհրդաժողով: Խորհրդաժողովին ելույթով հանդես կգան քաղաքագետ Լևոն Մելիք-Շահնազարյանը, «Նորավանք» ԳԿՀ տնօրեն Գագիկ Հարությունյանը, թուրքագետ, պատմագիտության թեկնածու Լևոն Հովսեփյանը, ՍԴՀԿ փոխատենապետ Վազգեն Մեսրոպյանը և այլք: |
|
11:00-ին |
«Անալիտիկ» կենտրոնում |
Հյուրերն են ՀՀ մարդու իրավունքների պաշտպանի աշխատակազմի բռնությունների կանխարգելման վարչության պետ Երանուհի Թումանյանցը և Նոր Մոսկվայում 18 մարդու մահվան պատճառ դարձած վթարի գործով մեղադրվող Հրաչյա Հարությունյանի դուստր Լիլիթ Հարությունյանը: Թեմա` «Հրաչյա Հարությունյանի նկատմամբ քրգործի ընթացքը. մահացածների հարազատները Հրաչյա Հարությունյանից դրամական փոխհատուցում են պահանջում»: |
|
11:00-ին |
«Հենարան» մամուլի ակումբում |
Գյուղացու վարկերին, ոռոգման ցանցի խնդիրներին, կարկտահարության հասցրած վնասներին կանդրադառնա Հայաստանի ագրարագյուղացիական միավորման նախագահ Հրաչ Բերբերյանը: |
|
11:00-ին |
«Պոստ Սկրիպտում» մամուլի ակումբում |
Փաստաբան Ալիկ Ստեփանյանը կխոսի Վարդենիկ գյուղի կրթահամալիրում ուսուցչի և աշակերտների միջև տեղի ունեցած վիճաբանության դեպքի առթիվ հարուցված քրեական գործով դատաքննության ընթացքում տեղի ունեցած բազմաթիվ խախտումների մասին: Ասուլիսին կմասնակցի նաև երեխաներից մեկի հորեղբայրը: |
|
11:00-ին
|
«Տեսակետ» մամուլի ակումբում |
Հյուրերն են ՀՀ ԱՆ գլխավոր թոքաբան Անդրանիկ Ոսկանյանը և սոցիոլոգ Ահարոն Ադիբեկյանը: Թեմա` «Ծխելու դեմ պայքարի օրվան ընդառաջ. մեկ օր առանց ծխախոտի: Վիճակագրական տվյալներ, ծխելու վնասակարությունը, պայքարի միջոցները»: |
|
11:00-ին
|
Սիրահարների այգում |
Տեղի կունենա Մոբայլ հավելվածների ցուցահանդեսի բացումը: Այցելուների և ոլորտի մասնագետների համար ցուցահանդեսը կուղեկցվի մի շարք միջոցառումներով: |
|
12:00-ին |
Փաստաբանների պալատում |
Սահմանադրական դատարանի նախագահ Գագիկ Հարությունյանի մասնակցությամբ կքննարկվեն սահմանադրական բարեփոխումները |
|
12:00-ին |
ՀՀ տնտեսական մրցակցության պաշտպանության պետական հանձնաժողովում |
Տեղի կունենա նիստ: Նիստում կհրապարակվեն որոշումներ` մի քանի վարչական վարույթների արդյունքների վերաբերյալ: Նիստի օրակարգում են, մասնավորապես, «ԱրմենՏել» ընկերությանը, «Ջերմուկ Գոլդ» և «Արփի» ընկերություններին պատասխանատվության ենթարկելու վերաբերյալ հարցերը: Հանձնաժողովը կհրապարակի նաև իր որոշումը` հայկական ինտերնետային «.am» տիրույթում գրանցում իրականացնող գերիշխող ընկերությանը` Ինտերնետ տեխնոլոգիաների կենտրոնին պատասխանատվության ենթարկելու վերաբերյալ: |
|
12:00-ին |
«Երկու երես» մամուլի ակումբում (Տերյան 72) |
Տեղի կունենա ասուլիս` «Արտաքին և ներքին քաղաքականություն: Ինչո՞ւ է Հայաստանը շահագրգռված Եվրասիական տնտեսական միությանը միանալու պայմանագրի շուտափույթ ստորագրմամբ» թեմայով: Հյուրն է «Ազգային համաձայնություն» կուսակցության նախագահ Արամ Հարությունյանը: |
|
12:00-ին |
«Տեսակետ» մամուլի ակումբում |
Հյուրն է սոցիոլոգ Ահարոն Ադիբեկյանը: Թեմա` «Բնակչության վերաբերմունքը ԵՄ թե ՄՄ անդամակցության երկընտրանքին` ըստ վերջին սոցիոլոգիական հարցումների արդյունքների»: |
|
12:00-ին |
ՀՀ մշակույթի նախարարությունում |
Տեղի կունենա մամուլի ասուլիս` նվիրված Մինսկում կայացած ԱՊՀ մասնակից-պետությունների «Գրքարվեստ» միջազգային XI մրցանակաբաշխությանը Հայաստանի մասնակցությանն ու ձեռքբերումներին։Ասուլիսին մասնկացում են. ՀՀ մշակույթի նախարարի տեղակալ Ներսես Տեր-Վարդանյանը, Գրքի և հրատարակչական գործի կենտրոնի տնօրենի պաշտոնակատար Էդվարդ Միլիտոնյանը, հրատարակիչներ: |
|
12:00-ին |
«Նովոստի» միջազգային մամուլի կենտրոնում |
Տեղի կունենա ասուլիս` «ԴիջիԹեք Բիզնես ֆորում 2014. գործարարների առջև կանգնած մարտահրավերները և դրանց տեխնոլոգիական լուծումները» թեմայով։ Մամուլի ասուլիսին կմասնակցեն. ՀՀ էկոնոմիկայի նախարարի տեղակալ Գարեգին Մելքոնյանը, «ԱրմենՏել» ընկերության գլխավոր տնօրեն Անդրեյ Պյատախինը, Ինֆորմացիոն տեխնոլոգիաների ձեռնարկությունների միության (UITE) գործադիր տնօրեն Կարեն Վարդանյանը։ |
|
12:00-ին |
«Նոյյան Տապան»-ի մամուլի սրահում |
Տեղի կունենա մամուլի ասուլիս Երեւանի տաքսիների վարորդների մասնակցությամբ: Բանախոսներ. «Ավտովարորդների լիգայի պաշտպանություն» ՀԿ նախագահ Տիգրան Հովհաննիսյան, վարորդներ տարբեր տաքսի ծառայություններից: Թեման` «Նոր զարգացումներ են տեղի ունեցել` կապված տաքսու վարորդների բարձրացրած խնդիրների հետ»: Ասուլիսի ընթացքում վարորդները կպարզաբանեն ճանապարհային ոստիկանության աշխատակիցների հետ հանդիպումների արդյունքները,կտեղեկացնեն իրենց հետագա անելիքների մասին:
|
|
12:00-ին |
«Ելակետ» մամուլի ակումբում |
Հայաստանի կարատեի ֆեդերացիայի մարզիչներ Գևորգ Սարգսյանը և Վահան Միքայելյանը կանդրադառնան վերջերս Սերբիայի Բելգրադ քաղաքում կայացած կարատեի միջազգային ասոցիացիայի աշխարհի (IKA-ի) 17-րդ գավաթի խաղարկությանը, որտեղ Հայաստանը ձեռք է բերել երեք ոսկե մեդալ: |
|
13:00-ին |
«Ֆորում» մամուլի ակումբում /Արշակունյաց 2/ |
Տուրիզմի տարեշրջանի բացման մասին կխոսեն տուրիզմի ոլորտի ներկայացուցիչներ Մարինա Կրպեյանը եւ Գարի Շահինյանը: |
|
13:00-ին |
«Տեսակետ» մամուլի ակումբում |
Հյուրն է Սպառողների միության նախագահ Արմեն Պողոսյանը: Թեմա` «Ամառ, փողոցային առևտուր: Ինչպիսի՞ն պիտի լինի սանիտարական վիճակը և որքանո՞վ են պահպանվում հիգիենայի կանոնները»: |
|
13:00-ին
|
Հանրապետության հրապարակում «/Արմենիա Մարիոթ» հյուրանոցի մոտակայքում/ |
Մայիսի 24-ին Հանրապետության հրապարակից մեկնարկել է հեծանվաարշավ` կազմակերպված «Հուսով լի Հայաստաի համար» հեծանվախմբի, Հայաստանի հեծանվաարշավախմբի և Երևանի ֆիզիկայի ինստիտուտի տիեզերական ճառագայթների բաժանմունքին աջակցող հանձնաժողովի կողմից: Հեծավաարշավը կավարտվի Հանրապետության հրապարակում մայիսի 30-ին ժամը 13.00-ին: Հեծավաարշավի նպատակն է հանրության ուշադրությունը հրավիրել գիտության խնդիրներին և աջակցել Երևանի Ա.Ալիխանյանի անվան ազգային գիտական լաբորատորիայի տիեզերական ճառագայթների բաժանմունքին: |
|
18:30-ին
|
«Զվարթնոց» օդանավակայանում (1-ին հարկ, ժամանման սրահ, բիզնես կենտրոնի հարեւանությամբ): |
Կկայանա Air France ավիաընկերության 80-ամյա հոբելյանին նվիրված մամուլի ասուլիսը: Մամուլի ասուլիսին կհաջորդի «Աստղերը երկնքի և երկրի միջև. հպանցիկ հայացքներ» խորագրով ցուցահանդեսի բացման արարողությունը՝ նվիրված ավիաընկերության պատմությանն ու նրա աշխարհահռչակ ուղևորներին (Բրիջիտ Բարդո, Ֆրենկ Սինատրա, Մարլեն Դիտրիխ, Ալֆրեդ Հիչկոկ, Ֆեդերիկո Ֆելլինի, Իվ Սեն-Լորան, Ալեն Դելոն, Շոն Քոնների, Գալինա Ուլանովա, Շառլ Ազնավուր): Հյուրերին կներկայացվի Air France-ի համազգեստների յուրահատուկ հավաքածուն, որը ներառում է տարբեր տարիների մոդելներ՝ ստեղծված այնպիսի հանրաճանաչ նորաձևության տների կողմից, ինչպիսիք են «Քրիստիան Դիորը», «Նինա Ռիչչին», «Քրիստիան Լակրուան» և այլն: Այս հավաքածուն Հայաստան է ժամանել ընդամենը մեկ օրով և կցուցադրվի մոդելների դեֆիլեի ընթացքում: |
|
20:00-ին |
«Համազգային» թատրոնում |
«Համազգային» թատրոնը հանդես կգա նոր նախագծով` հանդիսատեսի դատին կհանձնվի Վ.Շեքսպիրի «Համլետ» ողբերգությունը: Ներկայացման ռեժիսորն է Վիգեն Չալդրանյանը, ով նաև բեմազգեստների հեղինակն ու բեմանկարիչն է: Համլետի դերում հանդես կգա Վարդան Մկրտչյանը: Ներկայացման համար հատուկ նկարահանումներ են կատարվել Շեքսպիրի հայրենի քաղաքում` Ստրադֆորդում, Մեծ Բրիտանիա: Թատրոնի հիմնադիր Սոս Սարգսյանի մահվանից հետո «Համլետ»-ը թատրոնի առաջին պրեմիերան է և նվիրվում է Վարպետի հիշատակին: Նախագիծը միաժամանակ ազդարարում է թատրոնի շենքի կառուցման համար նախատեսվող դրամահավաքի սկիզբը: Նախագիծն իրականացվում է ՀՀ վարչապետ Հովիկ Աբրահամյանի աջակցությամբ: |