9 րոպեի ընթերցում
ԱՆՈՆՍ
21 մայիս, 2014
|
Ժամը |
Վայրը |
Միջոցառումներ |
|
08:15-ին |
«Հարավկովկասյան երկաթուղի» ՓԲԸ կենտրոնական գրասենյակի մոտից /Տիգրան Մեծի պողոտա, 50/ |
Կմեկնեն Աբովյան, որտեղ ՀՀ տրանսպորտի և կապի նախարարության, Ճանապարհային ոստիկանության և «Հարավկովկասյան երկաթուղի» ՓԲԸ կողմից ստեղծված հանձնաժողովը իրականացնելու է երկաթուղային ենթակառուցվածքի համատեղ զննում: Զննումը սկսվելու է ժամը 09:00-ին` Աբովյանի կայարանից: |
|
10:00-ին |
«Անի պլազա» հյուրանոցի «Անի» սրահում |
Մայիսի 20-ին, 21-ին և 29-ին կանցկացվեն Հայաստանում սահմանադրական բարեփոխումների նախնական հայեցակարգի թեմայով հանրային քննարկումներ: Քննարկումները կազմակերպվում են ՀՀ Նախագահին առընթեր սահմանադրական բարեփոխումների մասնագիտական հանձնաժողովի կողմից` ԵԱՀԿ երևանյան գրասենյակի և ԱՄՆ ՄԶԳ «Հայաստանի Ազգային ժողովին աջակցման ծրագրի» հետ համագործակցությամբ: |
|
10:00-ին |
«Երևան պլազա» բիզնես կենտրոնում |
Եվրոպական Միությունը կազմակերպում է ԵՄ ընդլայնման 10-րդ տարեդարձին նվիրված հանրային քննարկում: Քննարկմանը կմասնակցեն Հայաստանում ԵՄ պատվիրակության ղեկավար Տրայան Հրիսթեան, Հայաստանում հավատարմագրված դեսպաններ` Ֆրանսիայի դեսպան Անրի Ռենոն, Գերմանիայի Դաշնային Հանրապետության դեսպան Ռայներ Մորելը, Լեհաստանի դեսպան Զդիսլավ Ռաչինսկին, Լիտվայի դեսպան Էրիկաս Պետրիկասը, Ռումինիայի դեսպան Սորին Վասիլեն և Չեխիայի Հանրապետության դեսպան Տոմաշ Պեռնիցկին: Որպես քննարկման հիմնական զեկուցողներ հանդես կգան Բասելոնայի «Ռաուլ-Էրնանդեսի Սագրերան» միջազգային հետազոտությունների կենտրոնից, և Պոլ-Ջեյմս Կորդվելը` Շեֆիլդի համալսարանին կից իրավունքի դպրոցից: |
|
10:30-ին |
Մեդիա կենտրոնում |
Տեղի կունենա դերասան Վարդան Պետրոսյանի փաստաբաններ Նիկոլայ Բաղդասարյանի և Մարի Լոռ Դոզեի մամուլի ասուլիսը: |
|
11:00-ին |
«Հայելի» ակումբում |
Հյուրերն են Մանվել Բադեյանը և Թևան Պողոսյանը: Թեմա` «Վերջին միջադեպեր, նոր կառավարության ծրագիր»: |
|
11:00-ին |
«Տեսակետ» մամուլի ակումբում |
Հյուրն է քաղաքագետ Ալեքսանդր Իսկանդարյանը: Թեմա` «Տարածաշրջանային զարգացումներ (արցախյան հիմնախնդիր, Բերձորում կազմակերպված բողոքի ցույցը)»: |
|
11:00-ին |
«Զարկերակ» մամուլի ակումբում |
Տեղի կունենա քաղաքագետ Սերգեյ Մինասյանի մամուլի ասուլիսը` «Ներքին և արտաքին հնարավոր զարգացումներ: Կառավարության նոր ծրագիր» թեմայով: |
|
11:00-ին |
«Հենարան» մամուլի ակումբում |
Հյուրն է ՀՀ ԱԻՆ մթնոլորտային երևույթների վրա ակտիվ ներգործության ծառայության (հակակարկտային ծառայություն) տնօրեն Արմեն Կարապետյանը: Թեմա` «Հակակարկտային կայանները կարողանում են կանխել կարտկահարության վնասները: Ինչքանո՞վ են դրանք օգնում գյուղացու բերքի պահպանմանը»: |
|
11:00-ին |
«Ֆորում» մամուլի ակումբում /Արշակունյաց 2/ |
Ձկնարտադրության ոլորտի խնդիրների եւ պետական աջակցության նոր ծրագրի մասին կխոսի Ձկնաբույծների միության նախագահ Արթուր Աթոյանը: |
|
12:00-ին |
«ԷկոԼուր» մամուլի ակումբում (Հանրապետության 49) |
Մայիսի 22-ին աշխարհը տոնում է Կենսաբազմազանության համաշխարհային օրը: Ակումբի հյուր, Բնության համաշխարհային հիմնադրամ (WWF)-Հայաստանի տնօրեն Կարեն Մանվելյանը կխոսի այն մասին, թե ինչ ներդրումներ է կատարել հիմնադրամը, ինչպիսի արդյունքներ են ստացվել երկարաժամկետ համագործակցության արդյունքում, հաջողվե՞լ է արդյոք պահպանել այն, ինչ մենք ունենք, թե կան էական կորուստներ: |
|
12:00-ին |
«Ելակետ» մամուլի ակումբում |
Կենսաբազմազանության համաշխարհային օրվան ընդառաջ տեղի կունենա ասուլիս` «Սևանա լճի ձկնային պաշարների ներկա վիճակը» թեմայով: Ասուլիսի բանախոսն է ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուխ Գաբրիելյանը: Ասուլիսի ընթացքում բանախոսը կանդրադառնա ոչ միայն Սևանի ձկնապաշարների, այլև կենսաբազմազանության պահպանության խնդիրներին: |
|
12:00-ին |
«Նոյան տապան» մամուլի ակումբում |
Տեղի կունենա ասուլիս` նվիրված «Ես և նա» ռոք-օպերայի գալիք պրեմիերային (ըստ Նար-Դոսի համանուն պատմվածքի): Բանախոսներ. «Էպսիդոն» թատերախմբի գեղ. ղեկավար, ռեժիսոր, դերասան Արմեն Սարգսյան, կոմպոզիտոր, «Այաս» ռոք-խմբի հիմնադիր Արթուր Միտինյան և One Armenia կազմակերպության անդամ Նոռա Կեյսերյան: |
|
12:00-ին |
«Հայելի» ակումբում |
Հյուրերն են Ռաֆիկ Պետրոսյանը և Սոս Գիմիշյանը: Թեմա՝ «ԵԱՀԿ Մինսկի խմբի համանախագահՋեյմ Ուրլիքի` ԼՂՀ հիմնախնդրի և Սարսանդի ջրամբարի շուրջ հայտարարությունները. ՄՄ` ՀՀ-ԼՂՀ սահման»: |
|
13:00-ին |
«Անալիտիկ» ակումբում |
Հյուրն է ԱԺԿ նախագահ Արշակ Սադոյանը: Թեմա` «Կառավարության 2014-2017 թթ. գործունեության ծրագրի նախագիծը. կրկնություններ, բացթողումներ»: |
|
13:00-ին |
Երևանի քաղաքապետարանում |
Տեղի կունենա Երևանի քաղաքապետի տեղակալ Արամ Սուքիասյանի մամուլի ասուլիսը: |
|
13:00-ին |
«Հայացք» մամուլի ակումբում |
Հյուրն է Հայաստանի գործատուների հանրապետական միության նախագահ Գագիկ Մակարյանը: Թեմա` «Ներկա տնտեսական խնդիրների լուծման հնարավորություն և կառավարության ներկայացրած ծրագիր»: |
|
13:00-ին |
Հայաստանի երիտասարդական հիմնադրամում (Աբովյան 50/5) |
Տեղի կունենա աշակերտական ինքնավարության մարմինների երկրորդ համադպրոցական համաժողովը։ Կմասնակցեն Երևանի ավագ դպրոցների աշակերտական ինքնավարության մարմինների, ավագ դպրոցների մանկավարժական խորհուրդների, հասարակական սեկտորի ներկայացուցիչներ, ավագ դպրոցների տնօրեններ: Համաժողովին ներկա կլինի ՀՀ ԿԳ նախարարության հանրակրթության վարչության պետ Նարինե Հովհաննիսյանը։ |
|
14:00-ին |
ԵՄ կենտրոնում (Մաշտոցի պողոտա 43/34) |
Հայաստանում ԵՄ պատվիրակության համագործակցության բաժնի ղեկավար Հոա-Բին Աճեմյանը կհանդիպի լրագրողներին: Հանդիպման թեման Հարևանության ներդրումային գործիքն է` ԵՄ համագործակցությունը ենթակառուցվածքների ոլորտում: Հանդիպումների ձևաչափը ոչ պաշտոնական է և առանց լուսաբանման (off-the-record)` խրախուսելու բաց քննարկումը որպես երևույթների առավել խորքային իմացության հնարավորություն: |
|
16:30-ին |
«Առնո Բաբաջանյան» համերգասրահում |
Տեղի կունենա մամուլի ասուլիս` նվիրված «Հայաստանը մեր տունն է» ՀՀ ազգային փոքրամասնությունների մշակույթի փառատոնին: Ասուլիսից անմիջապես հետո` ժամը 17:00-ին, կբացվի դեկորատիվ-կիրառական արվեստի իրերի ցուցահանդես և տեղի կունենա ազգային փոքրամասնությունների մասնակցությամբ համերգ: |
|
17:00-ին |
«Մխիթար Սեբաստացի» կրթահամալիրում (Րաֆֆու 57) |
Տեղի կունենա Candoco ներառական պարային խմբի մասնագետների դասընթացը Բրիտանական խորհրդի «Պար` առանց սահմանների» ծրագրի շրջանակում: Candoco պարային խումբը Միացյալ Թագավորությունում ներառական պարարվեստի ոլորտի առաջատարներից է, և նրանց աջակցությամբ Հայաստանում կձևավորվի առաջին ներառական պարային խումբը: Մայիսի 11-ից 24-ը Հայաստան են այցելել Candoco ներառական պարային խմբի գեղարվեստական համաղեկավար Պեդրո Մաչադոն և պարուհի Վիկտորիա Մալինը` աշխատելու հայ մասնակիցների հետ: «Պար` առանց սահմանների» ծրագրին աջակցում են ՀՀ մշակույթի նախարարությունը, Երևանում Մեծ Բրիտանիայի դեսպանությունը, բրիտանահայ համայնքը, «Այբ դպրոցը» և «Մխիթար Սեբաստացի» կրթահամալիրը: |