Հայաստանն ու Եվրամիությունը ստորագրեցին վիզային ռեժիմի դյուրացման համաձայնագիրը

3 րոպեի ընթերցում

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Եվրամիությունն ու Հայաստանը Բրյուսելում ստորագրել են մուտքի արտոնագրերի դյուրացման համաձայնագիրը:Դեկտեմբերի 17-ին ստորագրման արարողությանը Եվրամիության կողմից մասնակցել է Կիպրոսի արտաքին գործերի նախարար Էրատո Կոզակու-Մարկուլիսը` որպես Եվրամիության խորհրդի նախագահ, ԵՄ Ներքին գործերի հանձնակատար Սեսիլիա Մալմսթրոմը, Հայաստանի կողմից` ՀՀ արտաքին գործերի նախարար Էդվարդ Նալբանդյանը: Ինչպես «Արմենպրես»-ին տեղեկացրին Եվրամիության խորհրդի լրատվական ծառայությունից, համաձայնագիրը կուղարկվի Եվրախորհրդարան` ներքին ընթացակարգերի ու ամբողջացման համար: Երբ երկու կողմերը հայտարարեն, որ բոլոր ներքին ընթացակարգերը սպառված են, այդ հայտարարությանը հաջորդող ամսվա առաջին օրը համաձայնագիրն ուժի մեջ կմտնի, բայց ոչ ավելի վաղ, քան ռեադմիսիայի համաձայանգրի ուժի մեջ մտնելը: Երկու համաձայանգրերը պետք է ուժի մեջ մտնեն միաժամանակ: Միացյալ Թագավորությունը, Իռլանդիան ու Դանիան համաձայնագրի մաս չեն կազմում:

Համաձայնագիրը Հայաստանի քաղաքացիների համար, մասնավորապես նրանց, ովքեր հաճախ են ճանապարհորդում, ավելի դյուրին ու մատչելի է դարձնում Եվրամիության երկրներ ճանապարհորդությունը կարճաժամկետ արտոնագրերով` հնարավորություն տալով 90 օրվա փոխարեն ճանապարհորդել 180 օր:

Համաձայնագրերը վավերացման փուլ կմտնեն 2013թ. առաջին կեսին: Մուտքի վիզաների դյուրացման համաձայնագրով ՀՀ քաղաքացիների համար նախատեսվում են Շենգենյան գոտու երկրներ մուտքի վիզաներ ստանալու դյուրացված ընթացակարգեր: ԵՄ երկրներ պարզեցված մուտք է նախատեսվում մի շարք կատեգորիաների ՀՀ քաղաքացիների համար, մասնավորապես` պաշտոնական պատվիրակության անդամների, գիտնականների, ուսանողների, լրագրողների, սպորտի եւ արվեստի գործիչների, ԵՄ երկրներում օրինական բնակություն ունեցողների մերձավոր ազգականների, ԵՄ երկրներում գործող հայկական սփյուռքի կառույցների կողմից կազմակերպվող միջոցառումների մասնակիցների, եւ այլոց համար: Նախատեսվում է նաեւ նվազեցնել Շենգենյան մուտքի արտոնագրի գինը` դարձնելով 35 եվրո, ինչպես նաեւ այն դարձնել անվճար մի շարք կատեգորիաների քաղաքացիների, այդ թվում` երեխաների ու թոշակառուների համար:

ԵՄ հետ մուտքի վիզաների դյուրացման եւ հետընդունման համաձայնագրերի շուրջ բանակցությունները մեկնարկել էին 2012թ. փետրվարին Երեւանում:

Հայերեն English Русский

Նիկոլ Փաշինյանը և Պետր Ֆիալան քննարկել են Հայաստանի և Չեխիայի միջև հարաբերությունների հետագա զարգացմանը վերաբերող հարցեր

Էկոնոմիկայի փոխնախարարը հանդիպել է Արմավիրի մարզի Արգինա համայնքի կարկուտի հետևանքով տուժած բնակիչների հետ

ՆԳՆ-ի հաղորդման հիման վրա Հակակոռուպցիոն կոմիտեն ոստիկանության 2 աշխատակցի է ձերբակալել

Փաշինյանը և Մակրոնը քննարկել են երկկողմ հարաբերությունների օրակարգային հարցեր, անդրադարձել տարածաշրջանային և միջազգային զարգացումներին

ԿԳՄՍ նախարարությունը փոփոխություններ է առաջարկում սահմանված ժամկետից ուշ հանրակրթության մեջ ընդգրկվող երեխաների կրթության կազմակերպման կարգում

Գեղարքունիքի մարզպետը խորհրդակցություն է անցկացրել մարզի հանրակրթական դպրոցների տնօրենների և վարչատնտեսական համակարգողների հետ

Ուսանողների և երիտասարդների օրվա կապակցությամբ Հանրապետության նախագահի նստավայր են այցելել ՀՀ պետական կառավարման ակադեմիայի ուսանողները

Հայտնի է 2025 թվականի 2-րդ քննաշրջանի դրսեկության ձևով (էքստեռն) ավարտական քննությունների ժամանակացույցը

Կիպրոսի խորհրդարանի նախագահի գլխավորած պատվիրակությունը կայցելի Հայաստան

Հայաստան կժամանի ԵԽԽՎ կանոնակարգի, էթիկայի եւ անձեռնմխելիության հանձնաժողովի պատվիրակությանը