ԱՄՆ-ում նավթի գինը նվազել Է 2,3 տոկոսով՝ բառելի դիմաց մինչեւ 78,68 դոլար

ՆՅՈՒ ՅՈՐՔ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Նյու Յորքի ապրանքային սակարանում երկուշաբթի կայացած աճուրդների արդյունքում նավթի գինը նվազել Է 2,3 տոկոսով: Սակարանում առեւտրաշրջանի ավարտվելու պահին սեւ ոսկու բառելի գինն ընկել Է 1,82 դոլարով եւ կանգ առել 78,68 դոլարի նշագծին: Մասնագետների կարծիքով՝ նավթային ապառնագրերի շուկայում վճռորոշ գործոն Է դարձել ԱՄՆ-ի Էկոնոմիկայի վերականգնման տեմպերի վերաբերյալ ներդրողների շարունակվող հոռետեսությունը: Նման տրամադրությունների առիթ Է տվել, մասնավորապես, ամերիկյան «Կատերպիլլարե կորպորացիան՝ աշխարհում հանքարդյունաբերության սարքավորումների եւ շինարարական տեխնիկայի խոշորագույն արտադրողը, որը հաղորդել Է ճգնաժամի հետեւանքով իր արտադրանքի պահանջարկի անկման կապակցությամբ 2,5 հազար աշխատակիցների ազատման մասին: Բացի այդ, ինչպես նշում են վերլուծաբանները, ամերիկյան դոլարը փոքր-ինչ ամրապնդվել Է աշխարհի մյուս արժույթների նկատմամբ: Նման իրավիճակում օտարերկրյա ներդրողներին, որոնք որպես վճարամիջոց օգտագործում են մյուս երկրների արժույթը, այնքան Էլ ձեռնտու չԷ դոլարով անվանագրված նավթային ապառնագրեր գնելը: