11 րոպեի ընթերցում
ԱՆՈՆՍ
03 նոյեմբեր, 2026
ՀՀ նախագահական
ՀՀ ԱԺ
Ժամը 10։00-ին Ազգային ժողովի 334 դահլիճում կկայանա Ազգային ժողովի պետական-իրավական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2027թ. պետական բյուջեի մասին» օրենքի նախագծում նախատեսված եկամուտներ և ծախսեր՝ իշխանության պետական և դատական մարմիններ, պետական վերահսկողություն և կոռուպցիայի կանխարգելում։
Ժամը 16։30-ին Ազգային ժողովի 334 դահլիճում կկայանա Ազգային ժողովի առողջապահության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2027թ. պետական բյուջեի մասին» օրենքի նախագծում նախատեսված եկամուտներ և ծախսեր՝ առողջապահություն:
Պետական կառույցներ
Ժամը 09։30-ից «Արմենիա Մարիոթ» հյուրանոցում Սոցիալական աշխատողի մասնագիտական տոնի առիթով կկայանա «Սոցիալական ծառայությունների աշխատուժի պրոֆեսիոնալիզացիան Հայաստանում. մասնագիտական կրթություն, շարունակական զարգացում և սուպերվիզիա» խորագրով երկօրյա համաժողովը։ Համաժողովին ողջույնի խոսքով հանդես կգան ՀՀ աշխատանքի և բարեկեցության նախարարի տեղակալ Լուսինե Քոչարյանը, ՀՀ ԱԺ աշխատանքի և բարեկեցության հարցերի մշտական հանձնաժողովի նախագահ Նազելի Բաղդասարյանը, Հայաստանում ՅՈՒՆԻՍԵՖ-ի ներկայացուցիչ Ղասսան Խալիլը, Հայաստանում ԵՄ պատվիրակության համագործակցության բաժնի ղեկավարի տեղակալ Վացլավ Շտերբան և Հայաստանի սոցիալական աշխատողների ասոցիացիայի նախագահ Միրա Անտոնյանը։ Համաժողովի լիագումար նիստում և մասնագիտական պանելային քննարկումների ընթացքում ներկայացվելու են սոցիալական աշխատողների իրավական և ինստիտուցիոնալ առաջնահերթությունները, մասնագիտական ներուժի շարունակական զարգացման համակարգն ու այլ հարցեր։ ՀՀ աշխատանքի և բարեկեցության նախարարություն:
Ժամը 10։00-ից «Դվին» հյուրանոցային համալիրում (Պարոնյան փ., 40 շ.) տեղի կունենա Silicon Mountains 2026 Expo-ի բացման արարողությունը: Ողջույնի խոսքեր՝ ՏՀՏԳՄ նախագահ Արմեն Բալդրյան, ՀՀ ԲՏԱԱԲ նախարար Դավիթ Թադեւոսյան: Նոյեմբերի 3-4-ը՝ ՏՀՏ ոլորտի Silicon Mountains 2026 միջոցառում՝ գերհագեցած օրակարգով, միջազգային հեղինակավոր հյուրերի մասնակցությամբ, ստարտափների ցուցահանդեսով, բարձր մակարդակի B2B հանդիպումներով և այլն։ Իսկ Ժամը 13։50-ին «Դվին» հյուրանոցային համալիրում տեղի կունենա «Սիլիկոնային սարեր» թեմայով բացիկի մարման արարողությունը:
Ժամը 10։00-ին «Վիվա Արմենիա» ընկերության կենտրոնական գրասենյակում (Արգիշտի 4/1) տեղի կունենա բարձր տեխնոլոգիաների ոլորտում համաշխարհային ներդրման համար ՀՀ պետական մրցանակի (Global High-Tech Award) 17-րդ դափնեկիր Քամ Ղաֆարիանի պաշտոնական այցի մեկնարկին նվիրված մամուլի ասուլիսը։ Բանախոսներ՝ ՀՀ ԲՏԱԱԲ նախարարի տեղակալ Գևորգ Մանթաշյան, «Վիվա Արմենիա» ընկերության գլխավոր տնօրեն Արմեն Ավետիսյան, «Սինոփսիս Արմենիա» ընկերության տնօրեն, մրցանակի գործադիր խորհրդի և միջազգային ընտրող հանձնաժողովի համակարգող Հովիկ Մուսայելյան, Global High-Tech Award-ի 17-րդ դափնեկիր Քամ Ղաֆարիան, «Սթարմուս» փառատոնի համահիմնադիր և ստեղծագործական տնօրեն Գարիկ Իսրայելյան։ Մուտքը՝ անձը հաստատող փաստաթղթով։ ՀՀ ԲՏԱԲ նախ.:
Ժամը 12։00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Հայաստանի խաղողագործության և գինեգործության հիմնադրամի գործադիր տնօրեն Զարուհի Մուրադյանի, «Հայկական գինու շաբաթ» նախաձեռնության հեղինակ Վահե Բալուլյանի ասուլիսը։ Թեմա. Հայաստանում կանցկացվի «Հայկական գինու շաբաթ»։
Ժամը 13։50-ին Կենտրոնական բանկում կկայանա ՀՀ ԿԲ նախագահ Մարտին Գալստյանի ասուլիսը՝ վերաֆինանսավորման տոկոսադրույքի վերաբերյալ: Ասուլիսը, ինչպես նաև ուղիղ եթերով ասուլիսի հեռարձակումը կսկսվի ժամը 14:00-ին: Ունենալ անձը հաստատող փաստաթուղթ: ՀՀ ԿԲ հասարակայնության հետ կապերի ծառայություն, 592592 (ներքին 0702):
Կուսակցություններ, ՀԿ-ներ, միջազգային կազմ-ներ
Ժամը 10։00-ից «Արմենիա Մարիոթ» հյուրանոցի «Տիգրան Մեծ» սրահում «Եվրոպական համալսարան» հիմնադրամը հրավիրում է մասնակցելու և լուսաբանելու «Հայաստան-Եվրոպա. կրթություն, գիտելիք և նորարարություն» միջազգային ֆորումը՝ նվիրված «Եվրոպական համալսարան» հիմնադրամի գործունեության 25-ամյակին։ Ֆորումը միավորելու է Հայաստանի և եվրոպական երկրների կրթական հաստատությունների, ակադեմիական համայնքի, պետական և հասարակական կառույցների, միջազգային կազմակերպությունների ներկայացուցիչների՝ քննարկելու կրթության միջազգայնացման, բարձրագույն կրթության որակի ապահովման, ակադեմիական համագործակցության, նորարարության և Հայաստան-Եվրոպա կրթական կապերի զարգացման հեռանկարները։ 094 441 919:
Ժամը 10։30-ին «Հոլիդեյ Ինն Երևան» հյուրանոցի «Երևան» սրահում /Պապ թագավոր փողոց, 2/ տեղի կունենա «Բյուջեներ քաղաքացիների համար. հանրային մասնակցություն և թափանցիկություն» խորագրով համաժողով՝ ԵՄ ֆինանսավորմամբ իրականացվող «Բյուջեներ քաղաքացիների համար» ծրագրի շրջանակում։ Ողջույնի խոսք՝ Իրավաբանների հայկական ասոցիացիայի նախագահ, «Բյուջեներ քաղաքացիների համար» ծրագրի ղեկավար Կարեն Զադոյան, Տնտեսական զարգացման և հետազոտությունների կենտրոնի գործադիր տնօրեն, «Բյուջեներ քաղաքացիների համար» ծրագրի բյուջետային բաղադրիչի ղեկավար Կարինե Հարությունյան, «Ագորա Սենթրլ Յուրոփ» ՀԿ-ի ներկայացուցիչ Վոյտեկ Չերնի (Չեխիա): Համաժողովի ընթացքում կքննարկվեն բյուջետային գործընթացներում հանրային մասնակցության, քաղաքացիական հասարակության ներգրավվածության և թափանցիկության ապահովման հարցերը։ (37410) 540199:
Ժամը 12։00-ին Մատենադարանում կկայանա միջազգային համաժողով՝ «Մարդը՝ հանրային ծառայությունների կենտրոնում. վերաիմաստավորում մարդակենտրոն նախագծման միջոցով» խորագորվ: Միջոցառումը կազմակերպվում է Գերմանիայի և Շվեյցարիայի կառավարությունների աջակցությամբ՝ Գերմանական միջազգային համագործության ընկերության (GIZ) կողմից իրականացվող «Ինտեգրացված համայնքային զարգացում Հայաստանում», «Հանրային կառավարման բարեփոխումներ Արևելյան գործընկերության երկրներում III» և «Քաղաքացիական հասարակության հզորացում Արևելյան գործընկերության երկրներում» ծրագրերի շրջանակում։ Միջոցառումն իրականացվում է Տնտեսական համագործակցության և զարգացման կազմակերպության (ՏՀԶԿ) «Աջակցություն կառավարման և ղեկավարման բարելավմանը» (OECD SIGMA) ծրագրի հետ համագործակցությամբ, որը ՏՀԶԿ-ի և ԵՄ-ի համատեղ նախաձեռնություն է և հիմնականում ֆինանսավորվում է ԵՄ-ի կողմից։ Համաժողովը կհամախմբի ՀՀ վարչապետի աշխատակազմի, Տարածքային կառավարման և ենթակառուցվածքների նախարարության, պետական այլ կառույցների, տեղական ինքնակառավարման մարմինների և քաղաքացիական հասարակության կազմակերպությունների ներկայացուցիչներին, ինչպես նաև գործընկերների Ուկրաինայից, Վրաստանից, Մոլդովայից և Արևմտյան Բալկանների երկրներից։ Միջոցառմանը կմասնակցեն նաև միջազգային կազմակերպությունների և նախաձեռնությունների ներկայացուցիչներ ու փորձագետներ։ Ակնկալվում է, որ համաժողովին կմասնակցի ավելի քան 150 ներկայացուցիչ։ Նարինե Բեզիրգանյան՝ +374 93 256225:
Մշակույթ
Ժամը 12։00-ին Կինոյի տանը (Վարդանանց 18/2) կկայանա «ՌեԱ» փառատոնի (Ռեանիմանիա պատկերապատման արվեստի և անիմացիոն ֆիլմերի միջազգային փառատոն) մամուլի ասուլիսը։ Բանախոսներ՝ «ՌեԱ» անիմացիոն ֆիլմերի և պատկերապատման արվեստի միջազգային փառատոնի հիմնադիր-տնօրեն Վրեժ Քասունի, ՀՀ ԿԳՄՍ նախարարի տեղակալ Տիգրան Վիրաբյան, Երեւանի քաղաքապետարանի ներկայացուցիչ, Հայաստանում ֆրանսիական ինստիտուտի փոխտնօրեն և մշակութային կցորդ Մարիոն Հյուգ Անդրիոն, Հայաստանի կինոյի հիմնադրամի տնօրեն Դավիթ Բանուչյան, Հ.Հովնանյան ընտանեկան հիմնադրամի (Հայաստանի մասնաճյուղի) գործադիր տնօրեն Կորյուն Խաչատուրյան, AMAA-ի Հայաստանի մասնաճյուղի տնօրեն Արեն Դեյիրմենջյան: +374 93 483668:
Ժամը 18։00-ին Կոնստանտին Սարաջևի անվան երաժշտական դպրոցում կկայանա «Ուշացած տուրք» գրքի շնորհանդես և 100-ամյակի տարվա բացում: Հրավիրում ենք սիմֆոնիայի մեծ վարպետ, Հայկական ԽՍՀ արվեստի վաստակավոր գործիչ, ավելի քան հարյուր ֆիլմի երաժշտության հեղինակ Ջոն Տեր-Թադևոսյանի (1926–1988) 100-ամյակի տարին բացող երեկոյին։ «Ուշացած տուրք» գրքի շնորհանդես՝ հեղինակի՝ կոմպոզիտորի դուստր Նունե Տեր-Թադևոսյանի մասնակցությամբ, հարգանքի տուրք կոմպոզիտորին Կոնստանտին Սարաջևի անվան երաժշտական դպրոցում, որը նա հիմնադրել է 1952թ.։ Հեղինակը տեղում հարցազրույցներ կտա երեկոյից առաջ և հետո։ Նունե Տեր-Թադևոսյան, գրքի հեղինակ՝ +374 33 54 56 01: Հայկ Տեր-Թադևոսյան - կոմպոզիտորի թոռ · 100-ամյակի համակարգող, +33 6 95 34 97 97 (WhatsApp):
Սպորտ
Ժամը 14։00-ին «Ուրարտու» ՖԱ-ի մարզաբազայում տեղի կունենա գլխավոր թիմի նոր գլխավոր մարզչի պաշտոնական ներկայացումը։ Պայմանագրի ստորագրումից հետո լրագրողները հնարավորություն կունենան ուղղելու իրենց հետաքրքրող հարցերը նոր գլխավոր մարզչին։