3 րոպեի ընթերցում
ԱՆՈՆՍ
20 հոկտեմբեր, 2026
Ժամը 10։00-20:00-ը /հոկտեմբերի 19-30-ը, ամեն օր ժամը 10։00-20։00-ը/ Կարեն Դեմիրճյանի անվան մարզահամերգային համալիրում՝ COP17-ի «Կանաչ գոտում», ԿԳՄՍ նախարարությունը կներկայացնի առանձին տաղավար։ Համակարգի կազմակերպությունների մասնակցությամբ հանրության համար նախատեսվում են կրթական, մշակութային, երիտասարդական և սպորտային միջոցառումներ։ Տաղավարը բաց կլինի ամեն օր՝ ժամը 10։00-20։00-ը: COP17-ի «Կանաչ գոտում» ԿԳՄՍՆ տաղավարի միջոցառումների ծրագիր. հոկտեմբերի 19-ին՝ հանրակրթություն, հոկտեմբերի 20-ին՝ մշակույթ, հոկտեմբերի 21-ին՝ գիտություն և բարձրագույն կրթություն, հոկտեմբերի 22-ին՝ սպորտ, հոկտեմբերի 23-ին՝ երիտասարդություն, հոկտեմբերի 24-ին՝ մասնագիտական կրթություն և ուսուցում, հոկտեմբերի 25-ին՝ մշակույթ, հոկտեմբերի 26-ին՝ գիտություն և բարձրագույն կրթություն, հոկտեմբերի 27-ին՝ սպորտ, հոկտեմբերի 28-ին՝ երիտասարդություն, հոկտեմբերի 29-ին՝ կրթություն, հոկտեմբերի 30-ին՝ մշակույթ: ԿԳՄՍՆ:
Ժամը 12։00-ին Ալ.Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում /Կառավարական 3-րդ տուն, 1-ին հարկ/ կկայանա Հանրապետության հրապարակի 100-ամյակին նվիրված «Ժամանակի վկաները. 100-ամյա հրպարակ եւ օպերա» խորագրով ցուցահանդեսի բացումը։ Արմենպրեսի նկարները ևս ցուցադրված են լինելու։
Ժամը 12։30-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Տուրիզմի հայկական ֆեդերացիայի նախագահ Մեխակ Ապրեսյանի, «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանի, ML Mining ընկերության գլխավոր տնօրենի առաջին տեղակալ Վարդան Մարությանի ասուլիսը: Թեմա. Հայ և ազգային փոքրամասնությունների մշակութային խոհանոցային փառատոն. սպասվող ծրագրերը։
Ժամը 15։00-ին COP17 Հայաստանի կանաչ գոտու հատվածում (Ծիծեռնակաբերդի զբոսայգի, 1 շենք) Կենսաբազմազանության մասին կոնվենցիայի Կողմերի համաժողովի 17-րդ հանդիպման (COP17) շրջանակում կներկայացվեն «Կայուն գյուղատնտեսություն և աշխատողների պաշտպանություն. թունաքիմիկատների (պեստիցիդների) արդյունավետ կառավարումը եւ խելամիտ կիրառությունը գյուղատնտեսությունում. Արհմիությունների դիրքորոշման փաստաթուղթ» թեմայով ուսումնասիրության արդյունքները։ Միջոցառումը նախաձեռնել է Հայաստանի արհմիությունների կոնֆեդերացիան։ Ուսումնասիրությունը իրականացրել է Հայաստանի արհմիությունների կոնֆեդերացիան՝ Հայաստանում Ֆրիդրիխ Էբերտ հիմնադրամի ներկայացուցչության եւ ՅՈՒՍՏՈՒՍ հետազոտական խորհրդատվական հիմնադրամի հետ համատեղ։