3 րոպեի ընթերցում
ԱՆՈՆՍ
17 հոկտեմբեր, 2026
Կուսակցություններ, ՀԿ-ներ, միջազգային կազմ-ներ
Ժամը 09։00-ին «Արմենիա Մարիոթ» հյուրանոցի «Տիգրան Մեծ» սրահում և Հայաստանի ազգային պատկերասրահում հոկտեմբերի 17-18-ը Վայրի բնության և մշակութային արժեքների պահպանման հիմնադրամը (FPWC) կանցկացնի «Երևանի բնապահպանական սիմպոզիում 2026»-ը՝ «Պետական պահպանվող տարածքներից այն կողմ» խորագրով։ ՄԱԿ-ի COP17 համաժողովի շեմին Երևանում ընդունվելու է «Երևանի գործողությունների կոչ» (Yerevan Call to Action) ռազմավարական փաստաթուղթը, որը դառնալու է 2027–2030 թթ․ միջազգային ճանապարհային քարտեզը՝ «Նպատակ 3»-ի (Target 3 / 30x30) իրագործման համար։ Սիմպոզիումին մասնակցելու նպատակով Հայաստան է ժամանում աշխարհի ամենամեծ և հեղինակավոր բնապահպանական կազմակերպության՝ Բնության պահպանության միջազգային միության (IUCN) նախագահ Ռազան Խալիֆա Ալ Մուբարաքը։ Նրա հետ մեկտեղ միջոցառմանը մասնակցում են ոլորտի համաշխարհային առաջնորդներ՝ Մադհու Ռաո (IUCN WCPA նախագահ), Դր․ Քեթրին Բարնարդ (World Land Trust), Մարտին Կադենա Սալգադո (UNDP BIOFIN), Ռուբեն Խաչատրյան (FPWC հիմնադիր և տնօրեն): FPWC, 374 98 509939:
Ժամը 10։00-ին ԵՊՀ կենտրոնական մասնաշենքում (Ալեք Մանուկյան 1) COP17-ին ընդառաջ՝ հոկտեմբերի 17-18-ը կանցկացվի Կենսաբազմազանության գլոբալ երիտասարդական գագաթնաժողով: Պաշտոնական բացման արարողությունը տեղի կունենա հոկտեմբերի 17-ին, ժամը 10:00-ին։ Բացման արարողությանը ներկա կլինեն ՀՀ ԿԳՄՍ նախարարի տեղակալ Քրիստինա Թաթարյանը, ՀՀ ԱԳՄԱ նախարարի տեղակալ Ռոբերտ Աբիսողոմոնյանը, ՀՀ ՇՄ նախարարության, ինչպես նաև միջազգային և տեղական կազմակերպությունների ներկայացուցիչներ: Գագաթնաժողովին կմասնակցեն 16-35 տարեկան շուրջ 400 երիտասարդ առաջնորդներ. աշխարհի տարբեր երկրներից՝ 150 և Հայաստանի բոլոր մարզերից՝ 250 երիտասարդ մասնակիցներ։
Ժամը 11։00-ից «Դինամո» մարզահամալիրում հունահռոմեական ոճի ըմբշամարտի Հայաստանի հավաքականը բաց մարզում կանցկացնի: Ըմբիշները պատրաստվում են հոկտեմբերի 24-ին Աստանայում մեկնարկելիք Աշխարհի առաջնությանը: Լրագրողներին, օպերատորներին և լուսանկարիչներին խնդրում ենք մոտենալ համապատասխան անցագրերով: