3 րոպեի ընթերցում
ԱՆՈՆՍ
15 հոկտեմբեր, 2026
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
ՀՀ նախարարություններ
Ժամը 10։00-ին ԱԳՄԱՆ-ում /ԱԳՄԱՆ-ում լինել վերոնշյալ ժամից 20 րոպե առաջ/ կկայանա ՀՀ արտաքին գործերի և միջազգային առևտրի նախարար Արարատ Միրզոյանի և ԵԱՀԿ գործող նախագահ, Շվեյցարիայի Համադաշնության փոխնախագահ և արտաքին գործերի դաշնային դեպարտամենտի ղեկավար Իգնասիո Կասիսի համատեղ մամուլի ասուլիսը: Լուսաբանմանը կարող են մասնակցել միայն ԱԳՄԱՆ 2026թ. տարեկան հավատարմագրումն անցած ԶԼՄ ներկայացուցիչները՝ ԱԳՄԱՆ հավատարմագրման քարտի առկայության պարագայում:
Պետական կառույցներ
Ժամը 16։00-ին «Մերիդիան» ցուցահանդեսային և միջոցառումների կենտրոնում (Ոսկերիչների փողոց, շենք 1) կկայանա ՄԱԿ-ի գլխավոր քարտուղար Անտոնիո Գուտերեշի մամուլի ասուլիսը:
ԲՈՒՀ-եր, կրթական հաստատություններ
Մամուլի ակումբներ
Ժամը 15։00-ին Sputnik Արմենիա մուլտիմեդիոն մամուլի կենտրոնում կկայանա Եվրասիական տեղեկատվական և վերլուծական կոնսորցիումի համակարգող խորհրդի գործադիր քարտուղար և ՌԴ ԳԱ հասարակական գիտությունների գիտական տեղեկատվության ինստիտուտի ավագ գիտաշխատող Վիտալի Վոլչկովի մամուլի ասուլիսը՝ «Նոր անվտանգության համակարգի կառուցումը Մեծ Եվրասիայում» թեմայով:
Մշակույթ
Ժամը 18։00-ին Գաֆէսճեան արվեստի կենտրոնում կմեկնարկի «CYFEST 17» մեդիա արվեստի միջազգային փառատոնը։ Կներկայացվի «Natura Naturans. մարդիկ, բնություն, բնապատկեր» ցուցադրությունը՝ համախմբելով ավելի քան 35 միջազգային արվեստագետների աշխատանքներ։ Նախագիծը ժամանակակից մեդիա արվեստը երկխոսության մեջ է դնում «Օրգանական դպրոցի» ժառանգության և գույնի, լույսի, տարածության, շարժման ու ընդլայնված ընկալման ոլորտում նրա փորձարարությունների հետ։ Հանրային ծրագիրը լրացնում է ցուցահանդեսը՝ ներառելով պերֆորմանսներ, քննարկումներ, ձայնային աշխատանքներ և շարժվող պատկեր։ Փառատոնը Հայաստանում կանցկացվի հոկտեմբերի 15-ից հունվարի 17-ը։ Փառատոնն անցկացվում է «CYLAND» հիմնադրամի և Գաֆէսճեան արվեստի կենտրոնի համագործակցությամբ։