1 րոպեի ընթերցում
Արարատի մարզային օպերատիվ կառավարման կենտրոն հոկտեմբերի 10-ին՝ ժամը 19։33-ին, տեղեկություն է ստացվել, որ Լանջազատ գյուղի մոտակայքում երեք քաղաքացի մոլորվել է. անհրաժեշտ է փրկարարների օգնությունը։
«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ ներքին գործերի նախարարության փրկարար ծառայությունը։
Իրականացված որոնողական աշխատանքների արդյունքում փրկարարները հայտնաբերել են մոլորված քաղաքացիներին։