3 րոպեի ընթերցում
Սեպտեմբերի 30-ի միջոցառումների անոնս
ՀՀ ԱԺ
Ժամը 11։00-ին Ազգային ժողովի 214 դահլիճում տեղի կունենա Տնտեսական հարցերի մշտական հանձնաժողովի նիստը։
Պետական կառույցներ
Ժամը 10։00-ին ՀՀ գիտությունների ազգային ակադեմիայում կշարունակվեն քննարկումները՝ տեղի կունենա «Արհեստական բանականությունը կենսաբժշկության, դեղագործության և նյութագիտության մեջ. գենոմային տվյալներից մինչև նոր դեղամիջոցներ և նյութեր» թեմայով կլոր սեղան։ Կլոր սեղանը կվարեն ՀՀ ԳԱԱ թղթակից անդամ Ռուբեն Հարությունյանը և ՀՀ ԳԱԱ ասոցացված անդամ Արսեն Առաքելյանը։ Կքննարկվեն կենսաբժշկության, գենոմիկայի, դեղագործության և նյութագիտության ոլորտներում արհեստական բանականության մեթոդների կիրառման և զարգացման ժամանակակից ուղղությունները, կներկայացվեն հայկական գիտական և կրթական կազմակերպությունների և ռուսական գիտական կենտրոնների նախագծերը։ Կլոր սեղանն անցկացվում է Հայաստանում Դուբնայի Միջուկային հետազոտությունների միացյալ ինստիտուտի (Ռուսաստանի Դաշնություն) օրերի շրջանակում՝ նվիրված ինստիտուտի հիմնադրման 70-ամյակին։
Ժամը 10։00-ին Աճառյան 20/4 hասցեում կկայանա «Յուվենտուս» ֆուտբոլային ակումբի Ավանի մասնաճյուղի բացման արարողությունը: Բացմանը ներկա կլինեն Երևանի քաղաքապետը, ԿԳՄՍ նախարարը, ՈՒԵՖԱ-ի ներկայացուցիչը և այլք:
Ժամը 12։00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Երևանի պատմության թանգարանի տնօրեն Գևորգ Օրբելյանի ասուլիսը։ Թեմա. «Երևան. քաղաք և պատմություն» միջազգային գիտաժողով. սպասվող ծրագրերը։
ԲՈՒՀ-եր, կրթական հաստատություններ
Ժամը 15։00-ին ԵՊՀ արևելագիտության ֆակուլտետի Ֆիրդուսու անվան լսարանում իրանցի մեծ բանաստեղծ և մտածող Մոլանայի՝ Ջալալ ադ-Դին Մուհամմադ Բալխիի մեծարման օրվա հետ համահունչ, տեղի կունենա «Իսլամական հեղափոխության գրականություն» ուսումնասիրության հայերեն թարգմանության շնորհանդեսը։ Գիրքը հայերեն է լույս տեսել ՀՀ-ում Իրանի Իսլամական Հանրապետության դեսպանության մշակույթի կենտրոնի և ԵՊՀ արևելագիտության ֆակուլտետի իրանագիտության ամբիոնի համագործակցության շրջանակում։ Գրքի հայերեն թարգմանությունը կատարել է ԵՊՀ իրանագիտության ամբիոնի դոցենտ, բանասիրական գիտությունների թեկնածու Գառնիկ Գևորգյանը։