2 րոպեի ընթերցում
Սեպտեմբերի 17-ի միջոցառումների անոնս
Ժամը 10:00-ին Ազգային ժողովում աշխատանքը կշարունակի ՀՀ ազգային ժողովի հերթական քառօրյա նիստը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 14։00-ին Երևանի քաղաքապետարանում (Արգիշտի 1) կկայանա «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի մեկնարկին նվիրված մամուլի ասուլիս։ Բանախոսներ՝ Երևանի քաղաքապետարանի մշակույթի և տուրիզմի վարչության պետ Գոշ Սարգսյան, «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի տնօրեն Սաթէ Խաչատրյան, ֆրանսիացի աշխարհահռչակ խորեոգրաֆ Մուրադ Մերզուկի, Հայաստանում Բելգիայի դեսպան Էրիկ դը Մույնկ, Հայաստանում Ֆրանսիայի դեսպանության համագործակցության և մշակույթի հարցերով խորհրդական և Ֆրանսիական ինստիտուտի տնօրեն Քսավյե Ռիշար: Փառատոնի պաշտոնական բացումը տեղի կունենա սեպտեմբերի 22-ին Գաբրիել Սունդուկյանի անվան ազգային ակադեմիական թատրոնում: Փառատոնի աջակիցներն են ՀՀ ԱԳ նախարարությունը և ՀՀ ԷՆ Զբոսաշրջության կոմիտեն։ Այս տարի փառատոնը նվիրված է Հայաստանի Հանրապետության անկախության 35-ամյակին։ Փառատոնի ծրագրերը կիրականացվեն Երևանում, Գավառում, Մեղրիում և Արտաշատում։ Երևանի քաղաքապետարան:
Մշակույթ
Ժամը 18։00-ին Ժամանակակից արվեստի թանգարանը (Մաշտոցի 7) ներկայացնում է Արման Թադևոսյանի, Գագո Չթչյանի և Հերմինե Դեմիրոնի համատեղ ստեղծագործական նախագիծը՝ «Էդեն»: «Էդեն»-ը այստեղ ոչ թե կոնկրետ վայր է կամ ժամանակային հատված, այլ՝ շարժում երազանքի և հայտնության, տեսանելիի և անդինի միջև։ Հիշողություն, լույս, հույս և վերադարձ դեպի ակունքներ. «Էդեն»-ը դառնում է մի հանգույց, որտեղ անձնականն ու հավաքականը հանդիպում են արվեստի լեզվով։ Գյումրվա բարբառային ընկալմամբ «Էդեն»-ը նաև «այնտեղ»-ն ու «այդինը»-ն է՝ դեպի ակունքները տանող ճանապարհը։ Հեղինակ Էմմանուել Կոստե: +37410539637: