Նիկոլ Փաշինյանը Հարալդ V-ի մահվան կապակցությամբ ցավակցական հեռագիր է հղել Նորվեգիայի վարչապետին

Հայաստանի Հանրապետության վարչապետ Նիկոլ Փաշինյանը ցավակցական հեռագիր է հղել Նորվեգիայի Թագավորության վարչապետ Յոնաս Գահր Ստյորեին՝ թագավոր Հարալդ V-ի մահվան կապակցությամբ։

«Արմենպրես»-ի փոխանցմամբ՝ ՀՀ վարչապետի աշխատակազմի տարածած ցավակցական հեռագրում նշված է․

«Ձերդ գերազանցություն,

խորը վշտով տեղեկացա Նորվեգիայի թագավոր Հարալդ V-ի վախճանի մասին։

Հայաստանի Հանրապետության Կառավարության և անձամբ իմ անունից խորին ցավակցություն եմ հայտնում Ձեզ, Նորվեգիայի ժողովրդին և թագավորական ընտանիքին այս ծանր կորստի կապակցությամբ։

Թագավոր Հարալդ V-ն իր երկարամյա ծառայությամբ արժանիորեն վայելում էր իր ժողովրդի հարգանքն ու սերը։ Նրա հիշատակը կմնա որպես Նորվեգիային նվիրվածության և պետական ծառայության խորհրդանիշ։

Այս ծանր պահին կիսում ենք թագավորական ընտանիքի և Նորվեգիայի ժողովրդի վիշտը՝ մաղթելով ուժ և տոկունություն»: