Կալասը հայտարարել է, որ Հորմուզի նեղուցի շուրջ դիվանագիտական ջանքերն արդյունք չեն տվել
2 րոպեի ընթերցում
Հորմուզի նեղուցի շուրջ դիվանագիտական ջանքերը շարունակվում են, սակայն մինչև այժմ առաջընթաց չի գրանցվել։ «Արմենպրես»-ի փոխանցմամբ՝ այս մասին հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասն Իռլանդիայի Ուիքլոու քաղաքում պաշտպանության նախարարների ոչ պաշտոնական հանդիպումից առաջ։
«Նավագնացության ազատությունը պետք է հարգվի։ Դիվանագիտական ջանքերը դեռևս շարունակվում են, բայց այս պահին արդյունքներ չկան», - ասել է Կալասը։
Նա կարևորել է անվճար երթուղիների ապահովման կարևորությունը։
«Մեզ համար կարևոր է, որ այս երթուղիների համար, որոնք նախկինում բաց են եղել, վճարներ չլինեն», - ասել է Կալասը։
Հա նշել է, որ պաշտպանության նախարարների ոչ պաշտոնական հանդիպման ժամանակ ծովային անվտանգության շրջանակներում կքննարկվի նաև կարևորագույն ստորջրյա ենթակառուցվածքների պաշտպանությունը։
Կալասն ընդգծել է, որ քննարկման օրակարգի մեկ այլ թեմա կլինի Լիբանանի հարցը։
«Նախարարները կքննարկեն Լիբանանի զինված ուժերին աջակցելու եվրոպական առաքելության մասին՝ հաշվի առնելով այնտեղի իրավիճակը»,- եզրափակել է նա։
Կալասի խոսքով՝ հանդիպման ընթացքում կքննարկվեն նաև Ուկրաինային աջակցությունը և տիեզերքի վերաբերյալ հարցեր։